Araşdırma - Yenixeberorg.biz - Oxu, xəbərin olsun

Elşən Salahov əslində kimi cəzalandırmalı idi –

Mon, 12 Oct 2026 15:00:02 +0400

Xəzər rayon Mənzil-Kommunal Təsərrüfatı Birliyi tərəfindən müxtəlif təyinatlı malların satın alınması üzrə 01.04.2026-cı ildə başlanılmış açıq tenderə yekun vurulub. Müsabiqənin qalibi “EVEREST-2022” Məhdud Məsuliyyətli Cəmiyyəti seçilib və tərfələr arasında 601.370,48 manat dəyərində satınalma müqaviləsinin bağlanılması planlaşdırılır. Məlumat satınaılmaların portalında 09.10.2026-cı ildə dərc edilib.

Yenixeberorg.az: Şərtlər toplusuna görə “EVEREST-2022” MMC Kommunal Təsərrüfatı Birliyini 95 ədəd metal 1000 litrlik yaşıl rəngli, 40 ədəd metal 1000 litrlik narıncı rəngli zibil konteynerləri, 30 ədəd arxalı oturacaq, 5.000 cüt beş barmaq,sintetik parça, üzəri boyalı əlcək, 8.000 ədəd 72% (100qr) təsərrüfat sabunu, 800 kq yağlı boya, hər birindən 60 ədəd sapsız bel ucu iti və çalov, 140 ədəd bel sapı, 120 ədəd konteyner təkəri, 200 kq zibil torbası, 120 ədəd ixtisaslaşdırılmış araba, 340 cüt botinka qış üçün, 340 cüt botinka yay üçün, 340 dəst fəhlə paltarı, 340 dəst fəhlə paltarı qış üçün, 340 ədəd işarə jileti yay üçün, 340 ədəd işarə jileti qış üçün, 150 ədə kepka, 150 ədəd ləçək, 260 ədəd xalat, 340 ədəd gödəkçə, 56 ədəd avtoşin KAMAZ üçün, 24 ədəd avtoşin ZİL üçün və digər bu kimi təsərrüfat malları və digər nəqliyyat vasitələri üçün ehtiyyat hissələri ilə təchiz etməlidir.

Qeyd edək ki, Xəzər rayon Mənzil-Kommunal Təsərrüfatı Birliyi 12.12.2025-ci ildə, yəni yuxarıda bəhs edilən tenderdən doqquz ay əvvəl, müxtəlif təyinatlı malların alınması üzrə “TİKİNTİ-TƏMİR-TƏCHİZAT-BƏRPA” Qapalı Səhmdar Cəmiyyəti ilə 359.762,53 manat məbləğində müqavilə bağlayıb.

Göründüyü kimi, Xəzər rayon Mənzil-Kommunal Təsərrüfatı Birliyi son 9 ayda müxtəlif təyinatlı malların satın alınması üzrə ümumi dəyəri 961 132 manat olan 2 satınalma müqaviləsi bağlayıb.

Şərtlər toplusuna görə qalib “TİKİNTİ-TƏMİR-TƏCHİZAT-BƏRPA” QSC Kommunal Təsərrüfatı Birliyini 40 ədəd fəhlə arabası (9 ay sonra 30 ədəd), 1.000 kq yağlı boya, 6.200 ədəd 72% (100qr) təsərrüfat sabunu (9 ay sonra 8.000 ədəd), 250 ədəd konteyner təkəri, 10 ədəd karobka filtr, 20 ədəd dizel filtri, 20 ədəd hava filtri, 20 ədəd yağ filtri və digər bu kimi eyni adlı təsərrüfat malları ilə təchiz edib.

Bundan əlavə Xəzər rayon Mənzil-Kommunal Təsərrüfatı Birliyi 02.11.2022-ci ildə əməkdaşların stifadəsi üçün nəzərdə tutulan bir sıra malların və lavazimatların satın alınması üzrə “TİKİNTİ-TƏMİR-TƏCHİZAT-BƏRPA” QSC ilə 289.745,46 manat dəyərində müqavilə bağlayıb.

Şərtlər toplusuna görə QSC Kommunal Təsərrüfatı Birliyini 200 ədəd fəhlə arabası, hər birindən 650 ədəd olmaqla vedrə dəmir 10 lt, bel sapı, bel çalov böyük, bel çalov kiçik, bel çalov ucu iti, xəkəndaz, 62.000 ədəd süpürgə həyət üçün və digər bu kimi eyni adlı təsərrüfat malları ilə təchiz edib.

Göründüyü kimi Xəzər rayon Mənzil-Kommunal Təsərrüfatı Birliyi 2022-ci ilin noyabrından bu yana əməkdaşların xidməti istifadəsi üçün nəzərdə tutulan malların satınalınması üzrə ümumi dəyəri 1 250 877 manat dəyərində 3 satınalma müqaviləsi bağlayıb. Birliyin 2023-2024-cü illərdə satın aldığı təsərrüfat malları barədə satınalmaların portalına məlumat yerləşdirilməyib. Maraqlıdır, Xəzər rayon Kommunal Təsərrüfatı Birliyi bir milyon iki yüz əlli min manat dövlət vəsitinə aldığı bu təsərrüfat malları harada işlənib?

Göründüyü kimi Xəzər rayon Mənzil-Kommunal Təsərrüfatı Birliyi son dörd ildə konkret sayı bəlli olmayan əməkdaşlarının xidməti istifadəsi üçün ləvazimatlara, geyimə milyon manatdan yuxarı dövlət vəsaiti xərcləyib. Hələ Xəzər rayon Mənzil Kommunal Təsərrüfat Birliyinin son illər nəqliyyat və xüsusi texnikaların satınalınmasına, o cümlədən onlara ehtiyyat hissələrinin alınması məqsədi ilə xərclədiyi milyonlarla mant dövlət vəsaitini bura qatmamışıq.

Qeyd edək ki, Xəzər rayon Mənzil-Kommunal Təsərrüfatı Birliyinin aldığı bu təsərrüfat mallarının istifadə müddətinin nə qədər olması barədə konkret bir fikir söyləmək çətindir. Amma bu təsərrüfüt mallarının böyük hissəsinin əməkdaşların xidməti istifadəsinə heç verilmədiyini söyləmək olar. Çünki Xəzər rayon Mənzil-Kommunal Təsərrüfatı Birliyinin işçilərinin sayı məlum deyil. Belə olan halda hər il yüzminlərlə manata alınan geyim dəstləridən kimlərin istifadə etdiyi də, təsərrüfat mallarının harada istifadı olunduğu da bəlli deyil. Odur ki, Birliyin milyon manatdan çox dövlət vəsitinə aldığığ təsərrüfat mallarını həm də kimlərsə “yeyir”.

Qeyd edək ki, Qeyd edək ki, Xəzər rayon Mənzil-Kommunal Təsərrüfatı Birliyinin rəisi Hikmət İslamovdur. O, uzun illər Xəzər rayon Mənzil Kommunal Təsərrüfatı Birliyinin rəisi olmuş Böyükağa İslamovun oğludur.

Bu gün Bakı şəhər İcra Hakimiyyətinin yaydığı məlumata görə Xəzər rayonu ərazisində payız-qış mövsümünə hazırlıq, abadlıq və yaşıllaşdırma işlərinin təşkili, küçə və prospektlərdə mövcud nöqsanların aradan qaldırılmasının müzakirəsinə həsr olunmuş geniş müşavirə keçirilib.

Xəzər rayon İcra Hakimiyyətində keçirilən müşavirədə rayonun kommunal-təsərrüfat qurumlarının rəhbərləri, qəsəbə, inzibati ərazi dairələri üzrə nümayəndələr və bələdiyyə sədrləri iştirak ediblər. Rayon İcra Hakimiyyətinin başçısı Elşən Salahov qeyd olunan sahələrdə görülən işləri, eləcə də rayonun ümumi memarlıq və estetik görünüşünə xələl gətirən, qəzalı tikililərin vəziyyətini təhlil edib, mövcud nöqsanlar barədə danışaraq aidiyyəti rəhbər şəxslərə müvafiq tapşırıqlar verib.

Yol verilən nöqsanlara və ərazilərə nəzarətin zəif təmin edildiyinə görə Xəzər rayon İcra Hakimiyyəti başçısının Qala və Zirə qəsəbələrinin inzibati ərazi dairələri üzrə nümayəndələrinə töhmət verilib, Buzovna və Türkan qəsəbələrinin inzibati ərazi dairələri üzrə nümayəndələrinə isə xəbərdarlıq edilib.(aktualinfo.net)

P.S. Xəzər rayon İcra Hakimiyyətinin başçısı Elşən Salahovun töhmət verdiyi, cəzalandırdığı icra nümayəndələri günahsız qurbanlardır. Yuxarıda qeyd etdiyimiz məlumatlardan da göründüyü kimi milyonlarla manat dövlət vəsaiti Xəzər rayon Mənzil-Kommunal Təsərrüfatı Birliyinin xətti ilə talan edilir. Əsl cəzalandırılmalı olan şəxs də, məhz birliyin rəisi Hikmət İslamov olmalı idi.

Ziyəddin Əliyevlə bağlı Prezidentə müraciət -

Mon, 12 Oct 2026 12:18:18 +0400

Hər iki MMC de-fakto Quba rayonunun sabiq icra başçısı, hazırda tanınmış iş adamı Ziyəddin Əliyevə məxsusdur. Qeyd etdiyim nəqliyyat vasitəsi üçoxlu olmaqla, maksimum 6m3 betonla yüklənə bilər. Amma, əldə etdiyim məlumata görə, hadisə zamanı 11.5m3 betonla yüklü olub(?) (Yol vərəqinin surəti var.) Eyni zamanda əyləc sistemindədə ciddi problem olub...

Bu sətirlər “Yenixeberorg.az” saytının rəhbəri İlqar Salmanovun Azərbaycan Respublikasının Prezidenti cənab İlham Əliyevə ünvanladığı və FB səhifəsində ictimailəşdirdiyi müraciətində yer alır:

Çox hörmətli cənab Prezident,

Mən-Salmanov İlqar Mirzəcan oğlu-30 ildən artıqdır ki, mətbuatdayam…Müxtəlif media orqanlarında çalışmış, 2003-cü ildən 2015-ci ilə qədər həftəlik nəşr olunan “Yeni xəbər” qəzetinin təsisçi və baş redaktoru olmuşam. Hazırda “Yenixeberorg.az” saytına və “Xəbərmən TV” YouTube kanalına rəhbərlik edirəm. Bütün fəaliyyətim boyu dövləti və milli maraqlara xidməti prioritet hesab etmişəm…

Möhtərəm Prezident, bu müraciətimlə Sizdən xahiş edirəm ki, qaşılaşdığım ağır avtoqəza ilə bağlı ədalətli hüquqi araşdırmanın aparılmasını təmin edəsiniz. Belə ki, bu ilin 31 martında saat 15:00 radələrində mənə məxsus 01-BR-451 Dövlət Nömrə Qeydiyyatlı “Hundai Tucson” avtomobili ilə Sumqayıt- Bakı istiqamətində hərəkətdə olarkən avtomobildə texniki problem yarandı. (“Riyad Ticarət Mərkəzi”nin qarşısında) Təbii olaraq avtomobilimi üçzolaqlı yolun sağdan birinci zolağında saxlayıb, təhlükə işıqlarını (“Avarenni”) yandırıb, yük yerini (“Baqaj”) açaraq, avtomobilin ön hissəsinə keçib, mühərrikə baxış keçirdim. Tam bu zaman 77-JS-362 Dövlət Nömrə Qeydiyyatlı “HOWO” markalı, ağır tonnajlı Betonqarışdıran Nəqliyyat Vasitəsi dolu, işlək vəziyyətdə avtomobilimi arxadan vurdu...Avtomobilimi 20 metr qabağa, məni isə bir az da artıq məsafə olmaqla paralel yola atdı...Kəllə-beyin travması, burun sınığı və s. olmaqla ağır xəsarətlər aldım... (AZ AĞIR dərəcəli) Cərrahi əməliyyat edildim və hələ də müəyyən müalicə prosedurları keçməkdə davam edirəm.

Məlum oldu ki, mənim avtomobilimi və beləliklə də məni vuran nəqliyyat vasitəsi AAYDA-nin “14№-li Xüsusi Təyinatlı Yol İstismarı” MMC-nin xidmətindədir. Sürücü isə Fətəliyev Elşən Şahin oğludur. Bu nəqliyyat vasitəsi “Mühəndis Yol Təmir-Tikinti” MMC-nə məxsusdur və hansısa “razılaşma” ilə “14№-li Xüsusi Təyinatlı Yol İstismarı” MMC-nin xidmətindədir(?)...

Möhtərəm Prezident, hadisədən bugünədək qeyd etdiyim MMC-lərin heç biri tərəfindən nə hadisə ilə, nə də ağır xəsarət alan tərəf kimi mənimlə maraqlanan olmayıb(?)

Mümükn vasitələrlə əldə etdiyim məlumata görə, hər iki MMC de-fakto Quba rayonunun sabiq icra başçısı, hazırda tanınmış iş adamı Ziyəddin Əliyevə məxsusdur. Qeyd etdiyim nəqliyyat vasitəsi üçoxlu olmaqla, maksimum 6m3 betonla yüklənə bilər. Amma, əldə etdiyim məlumata görə, hadisə zamanı 11.5m3 betonla yüklü olub(?) (Yol vərəqinin surəti var.) Eyni zamanda əyləc sistemindədə ciddi problem olub...

Möhtərəm Prezident, Sizdən artıq dərəcədə xahiş edirəm ki, qısaca yaza bildiyim bu hadisənin ədalətli araşdırılmasını və məsul şəxslərlə bağlı müvafiq hüquqi ölçü götürülməsini təmin edəsiniz. Eyni zamanda mənə dəyən mənəvi və maddi zərərin qarşılanmasına da dəstək olasınız.

Ümid edirəm ki, sayənizdə haqq-ədalət öz yerini tapacaq.

Əvvəlcədən minnətdarlığımı bildirirəm.

P.S. İlqar Salmanov “Mediatvaz”a açıqlamasında qarşıdakı günlərdə müraciətdə yer alan MMC-lərlə bağlı məhkəməyə müraciət edəcəyini də bildirdi…

Eyni zamanda şirkətin fəaliyyəti, şirkətə məxsus zavodda istehsalat prosesi zamanı insan ölümləri ilə nəticələnən hadisələr və s. məlumatların dolandığını da dedi. Təbii ki, bu məlumatlar məlum səbəblərdən jurnalist araşdırmasının predmeti olmaqla, geniş yazının meydana çıxmasına əsas ola bilər...

Deputat Məşhur Məmmədova bağlı şirkətlər inhisarçı rolunda…:

Mon, 12 Oct 2026 10:14:42 +0400

Rəqabət Məcəlləsi Haqqında Qanuna görə belə halllar tək mənbə üsulu ilə işləmək hesab edilir və qəti qadağandır…
Yenixeberorg.az: Yazımızda deputat Məşhur Məmmədovun Bank sektorundakı iri həcmli korrupsiya faktlarından bəhs etmişdik. (Bu linkdən oxuya bilərsiniz: https://yenixeberorg.com/manset/203104-deputat-m%C9%99%C5%9Fhur-m%C9%99mm%C9%99dov-%C9%99h%C9%99d-%C9%99sg%C9%99rov-imperiyas%C4%B1n%C4%B1n-maliyy%C9%99-labirinti-milyonluq-birl%C9%99%C5%9Fm%C9%99l%C9%99r-fiktiv-sxeml%C9%99r-v%C9%99-xaric%C9%99-qa%C3%A7%C4%B1r%C4%B1lan-pullar.html) Bu yazımızda isə deputatın mebel sektorunda necə tenderlər favoriti olmasından, Azad Sənaye Parkı statusundan necə qanunsuz bəhrələnməsindən, ailə üzvləri vasitəsilə bu sektorda da böyük şəbəkəni öz nəzarətində saxlamasından, neçə-neçə vəzifəli şəxsə bu biznesdən dolayısı “aylıq haqq” ödəməklə özünə siyasi müdafiə qalxanı yaratmasından və digər “özfəaliyyətindən” bəhs edəcəyik.
***
EPIZOD 1: Mebel İstehsalçısına Təmir-Tikinti Sifarişi –“ASAN Xidmət”də İxtisas Uyğunsuzluğu… 2024-cü il oktyabrın 24-də Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi “ASAN Xidmət”tərəfindən keçirilmiş açıq tenderdə bina və obyektlərin cari təmir işləri (dam örtüklərinin vurulması, divarların suvanması və rənglənməsi) üzrə qalib deputat Məşhur Məmmədova məxsus “Embawood”MMC (VÖEN: 6400009481) elan edilib (Qeydiyyat ünvanı: Bakı şəhəri, Yasamal rayonu, Bəsti Bağırova küç., 15A. Nizamnamə kapitalı: 3,750 AZN). Müqavilənin maliyyə dəyəri 1 184 586,45 AZN təşkil edir.
Qanunsuzluğun mahiyyəti: “ Dövlət satınalmaları haqqında” Qanunun tələblərinə görə, satınalan təşkilat iddiaçının müvafiq sahədə peşəkarlığını, texniki və kadr imkanlarını yoxlamağa borcludur. Əsas fəaliyyət profili yalnız mebel istehsalı olan və nizamnamə kapitalı cəmi 3 750 AZN təşkil edən bir subyektin böyük miqyaslı tikinti-bərpa işlərinə cəlb edilməsi qiymətləndirmə komissiyasının qərəzsizliyini şübhə altına alır.
İxtisaslaşmış tikinti lisenziyası və xüsusi texnikası araşdırılmadan müqavilənin mebel şirkətinə tapşırılması satınalma qanunvericiliyinin ziddinədir. Şirkətin rəsmi rəhbəri Elşad Abbasov olsa da, 23%-lik pay sahibi və faktiki idarəçi deputat Məşhur Məmmədovdur.

EPIZOD 2: Ədliyyə və Səhiyyə Qurumlarında Mebel Təchizatı – Maliyyə Dəqiqliyi “Embawood” MMC 2024 və 2025-ci illərdə müxtəlif dövlət orqanlarının mebel və bərk inventar təchizatı üzrə keçirdiyi satınalma prosedurlarının davamlı qalibi olub. Şirkət 2024-cü il dekabrın 29-da Ədliyyə Nazirliyindən (məhkəmələr üçün) 88 914,18 AZN, 2025-ci il aprelin 9-da Bakı Hərbi Məhkəməsindən 87 799,08 AZN, fevralın 14-də Gəncə Şəhər Birləşmiş Xəstəxanasından 119 240,18 AZN, İnnovasiya və Rəqəmsal İnkişaf Agentliyindən 148 749,62 AZN və İqtisadiyyat Nazirliyinin ETİ-dən 29 972,00 AZN dəyərində müqavilələr əldə edib.
Maliyyə auditinin dəqiqləşdirilməsi: “Embawood” MMC-nin 2024-cü ildə dövlət qurumları ilə bağladığı satınalma müqavilələrinin ümumi həcmi 1 934 205 AZN təşkil etmişdir. Yuxarıda qeyd olunan 1,18 milyonluq “ASAN Xidmət” təmir müqaviləsi də məhz bu 1,93 milyonluq ümumi illik göstəricinin tərkib hissəsidir. Buradakı əsas analitik məqam ondan ibarətdir ki, bu tender şərtlərində hər şey birbaşa “Embawood” məhsullarının spesifik gabarit və material parametrinə uyğun tərtib edilib ki, digər mebel istehsalçıları bu şərtlərə cavab verə bilməsin.
EPIZOD 3: Dövlət Sərhəd Xidmətində İnhisarlaşma – 10,4 Milyonluq “Foriella” seriyası… Məşhur Məmmədov deputat olandan sonra “Embawood” rəhbərliyindən kağız üzərində uzaqlaşması fonunda onun nəzarətində olan ikinci şirkət – “Foriella” MMC (VÖEN: 2903400661. Hüquqi ünvanı Sumqayıt şəhəri, 9-cu məhəllə, ev 11, mənzil 4) dövlət satınalmalarında dominant rola keçmişdir. Şirkətin nizamnamə kapitalı əvvəlcə 80 010 AZN olduğu halda, sonradan kəskin şəkildə artırılaraq 5 000 000 AZN-ə çatdırılmışdır. Dövlət Sərhəd Xidmətinin (DSX) mebel inventarları və təmiri üzrə keçirdiyi tenderlərdə "Foriella" MMC təkcə 2024–2025-ci illər ərzində 10,4 milyon manatdan çox vəsait almışdır:
2024-cü il: 4 tender üzrə 5 345 110,22 AZN.
2025-ci il: 2 tender üzrə 5 070 170,90 AZN (4 573 980,90 AZN mebel alışı, 496190,00 AZN isə dəmir karkaslı kətillərin təmiri).
Əlavə alım: “Azərpoçt” MMC tərəfindən 2025-ci ildə 400 000,00 AZN daxil olmuşdur. Bu arada “Yenixeberorg.com” olaraq xatırladaq ki, təkcə bir dövlət orqanının mebel təchizatının 80%-dən çoxunun tək bir subyektə verilməsi bazarda süni inhisarlaşmanın əyani sübutudur, halbuki Rəqabət Məcəlləsi Haqqında Qanuna görə bu hal tək mənbə üsulu ilə işləmək hesab edilir və qəti qadağandır.
EPIZOD 4: “Fırlanan Qapı” (Revolving Door) Mexanizmi Və Nominal Rəhbərlik “Foriella” MMC-nin qanuni təmsilçisi Fərman Fərrux oğlu İslamlıdır. Açıq mənbələrdə hüquqi ünvanı və biznes keçmişi haqqında hrç bir məlumat olmayan bu şəxs, real sahibin gizlədilməsi üçün pərdə rolu oynayan nominal idarəçidir (frontman). Xatırladaq ki, Məşhur Məmmədov Azərbaycan Mebel İstehsalçıları Assosiasiyasının keçmiş sədridir. O, bu postdan ayrıldıqdan sonra Assosiasiyanın sədri vəzifəsinə məhz “Foriella” MMC-nin hazırkı direktoru Fərman İslamlı gətirilmişdir. Bu hal beynəlxalq audit praktikasında “Fırlanan qapı” (Revolving Door) sxemi kimi tanınır – rəsmi səlahiyyətlər və idarəçilik etibarlı menecerə çevrilir, lakin qərarverici təsir və gəlir axını kölgədən dayanmış deputatın əlində qalmaqda davam edir.
EPIZOD 5: “Perla” Mebel Brendi Və Konstitusiyanın 89-cu Maddəsinin Pozulması… “Foriella” MMC tərəfindən istehsal olunan məhsullar ölkə üzrə 47 satış nöqtəsinə malik “Perla” mebel mağazaları şəbəkəsi (VÖEN: 2903400661) vasitəsilə pərakəndə satışa çıxarılır.
Məşhur Məmmədov 2023-cü ildə “Şöhrət” ordeni ilə təltif edilərkən, rəsmi dövlət mediasında və təqdimat materiallarında o, “Perla” mebel şirkətinin sahibi kimi təqdim olunmuşdur. Bu təqdimat deputatın biznesə faktiki mülkiyyətçiliyinin rəsmi etirafıdır. Azərbaycan Respublikası Konstitusiyasının 89-cu maddəsinin I hissəsinin 4-cü bəndinə əsasən, deputatın sahibkarlıq və kommersiya fəaliyyəti ilə məşğul olması qadağandır.
Deputatın nəhəng kommersiya şəbəkəsini idarə etməsi hüquqi normanın birbaşa pozulmasıdır. Yeri gəlmişkən, onun himayəsində olan kommersiya obyektlərinin bir çoxunun payçıları, elə öz ailə üzvləridir: həyat yoldaşı Bənövşə Məmmədova, Məntiq və Məmməd Şahbazovlar, Mədinə Şahbazova, yaxın qohumu İsmixan Məmmədov (əmisioğlu və ya ögey qardaşı) və b.-dır
EPIZOD 6: Baş Prokurorluğun Satınalmaları və “Offissa Dizayn Ko” Ofis mebellərinin təchizatı üzrə ixtisaslaşan “Offissa Dizayn Ko” MMC (VÖEN:1303692951, Aşıq Molla Cümə 46B ünvanı) dövlət qurumları ilə ümumilikdə 8 229 163 AZN dəyərində 39 satınalma müqaviləsi bağlamışdır.
Bu epizodda ən kritik hüquqi risk korrupsiyaya qarşı mübarizəyə cavabdeh olan ali hüquq-mühafizə orqanının – Baş Prokurorluğun ofis mebellərinin satın alınması üzrə 116 188 AZN-lik tenderinin qalibi kimi eyni biznes qrupuna aid şirkəti seçməsidir. Korrupsiyanı araşdırmalı olan organın təchizat zəncirində deputatın şirkəti ilə kommersiya münasibətlərinə girməsi ağır maraqların toqquşması riski yaradır.
EPIZOD 7: Keyfiyyət Pozuntuları və Dövlət Əmlakının Mənimsənilməsi Riski Antiinhisar və İstehlak Bazarına Nəzarət Dövlət Xidmətinə daxil olan şikayətlər “Embawood” tərəfindən dövlət obyektlərinə təhvil verilən mebellərin Texniki Tapşırıqlar Toplusundakı (TŞT) standartlara cavab vermədiyini göstərir.
Sənədlərdə baha qiymətli, yüksək sıxlıqlı MDF, təbii şpon və ya Avropa istehsalı furnitura bəyan edilməsinə baxmayaraq, “Yenixeberorg”a ötürülən məlumatlara görə, faktiki təslimatlarda ucuz Çin materiallarından və aşağı keyfiyyətli DSP lövhələrdən istifadə edildiyi bildirilir. Baha sənədləşmə fonunda ucuz material tətbiq edilməsi aradakı qiymət fərqinin mənimsənilməsi və dövlət əmlakına ziyan vurulması kimi qiymətləndirilməlidir.
EPIZOD 9: Sənaye Parkı güzəştləri ilə dövləti ikiqat soymaq mexanizmi… “Foriella” MMC nəyə görəsə (və qanunsuz olaraq) Balaxanı və Sumqayıt Sənaye Parklarının rezidenti statusunu daşıyır. Şirkət Vergi Məcəlləsinin 102.1.21 və 106.1.20- ci maddələrinə əsasən 10 il müddətinə mənfəət, əmlak, torpaq vergisindən və idxal olunan avadanlıqlar üzrə ƏDV-dən azaddır. Halbuki bu güzəştlərdən istifadə hüququ –ancaq və ancaq Azərbaycanda olmayan, nadir, dövlət əhəmiyyətli məhsul istehsal edən şirkətlərə verilir, mebel istehsalına yox. Üstəlik də bu parkın rezidentləri öz məhsullarını xaricə ixrac etməli idilər, daxilə ixrac edib, rəqiblərdən daha üstün imkan qazana bilməzdilər.
Bütün bunlara baxmayaraq,”Foriella” MMC dövlətin verdiyi vergi azadlığından stifadə edərək maya dəyərini düşürür, ardından istehsal etdiyi məhsulları azad bazara deyil, tenderlər vasitəsilə baha qiymətə yenidən dövlətin özünə (DSX layihələrinə) satır. Bu mexanizm dövlət büdcəsinin ikiqat istismar olunması (həm vergi azadlaması, həm də yüksək qiymətli dövlət alımı) mexanizminə gətirir. Belə çıxır ki, dərindən araşdırılsa, Azərbaycanda yaradılmış Azad İqtisadi Zonaların, Parkların hamısında bu cür sui- istifadə nəticəsində korrupsiya halları aşkar etmək olar.
EPIZOD 9: 74 Saylı Masallı Seçki Dairəsində Süni Seçki Rəqabəti İqtisadi resursların qorunması və deputat toxunulmazlığının uzadılması üçün siyasi mexanizmlərdən də sui-istifadə olunmuşdur. 2024-cü il parlament seçkilərində 74 saylı Masallı seçki dairəsində Məşhur Məmmədovun qarşısına rəqib namizəd kimi çıxarılan Cavid Xalıqzadə deputatın şəxsi şirkəti olan “Embawood” MMC-nin satış meneceri vəzifəsində çalışır.
Tabelik və maliyyə asılılığında olan işçinin öz işəgötürəninə qarşı siyasi rəqib kimi qeydə aldırılması Seçki Məcəlləsinin azad və ədalətli rəqabət prinsiplərini zədələyən, Seçki Komissiyasını və seçiciləri aldatmağa yönəlmiş psevdo-rəqabət şousu idi.
Və son əvəzi…
Redaksiyamıza hörmətli deputatın Korporativ Patronaj –siyasi qalxan mexanizmi ilə də bağlı maraqlı məlumatlar daxil olub…Məlumatlarda ən yüksəs siyasi instansiyadan tutmuş, müxtəlif nazirlik, dövlət agentliyi, hətta hüquq-mühafizə orqanlarında məsul vəzifə sahiblərinin və qohumlarının adları hallanır. Həm “krışa” kimi, həm də rəsmi payçılar kimi…
Hələlik açıqlanmasını uyğun bilmədiyimiz bu faktları, növbəti yazımızda oxuya biləcəksiniz…(“Yenixeberorg.com”)

Redaksiyadan: Sıraladığımız faktlarla bağlı hörmətli deputatı da dinləmək istədik. Təəssüf ki, bu dəfə də cəhdlərimiz nəticəsiz oldu…

Rauf Kazımovun offşor izləri, səhm maxinasiyaları ilə bağlı sensasion məlumatlar-

Sun, 11 Oct 2026 14:55:34 +0400

Azərbaycan bank sektorunu silkələyən sensasion araşdırmanın pərdəarxası məqamları üzə çıxır

“Aqrarkredit” ətrafında başlayan irimiqyaslı əməliyyatlar dövlət büdcəsinə vurulan on milyonlarla manatlıq zərərin əsas icraçılarından birinin - Rauf Kazımovun rəhbərlik etdiyi maliyyə zəncirini ifşa edib.

Yenixeberorg.az: Məlumata görə, hüquq-mühafizə organlarının keçirdiyi genişmiqyaslı əməliyyatlar və redaksiyamıza daxil olan şok faktlar göstərir ki, kənd təsərrüfatına ayrılan dövlət vəsaitlərinin silinməsi yalnız bir BOKT çərçivəsində qalmayıb. Çirkli pulların leqallaşdırılması və izlərin itirilməsi prosesində əsas yükü kommersiya bankçılığı, xüsusən də hazırda “TuranBank”ın Müşahidə Şurasının sədri olan Rauf Kazımovun idarə etdiyi maxinasiya mexanizmi daşıdığı iddia olunur.

Daxil olan məlumatlar Rauf Kazımovun maliyyə sektorundakı mövqeyinin sıradan bir peşəkar karyera deyil, qanunsuz maxinasiyalar üzərində qurulduğunu üzə çıxarır. Rauf Kazımov hələ 2016-cı ildə bankdan 500 min manatlıq 1000 ədəd səhm almaqla qurumun idarəçiliyində birbaşa söz sahibinə çevrilib. Bu addımdan cəmi iki il sonra, 2018-ci ildə onun Müşahidə Şurasının sədri postuna gətirilməsi maliyyə şəbəkəsinin planlı gedişi idi. Lakin maliyyə nəzarət orqanlarının diqqətini yayındırmaq üçün Rauf Kazımov sonradan həmin səhmləri atasının Kazım Kazımovun adına keçirərək kağız üzərində “görünməz” olmağa çalışıb.

Rauf Kazımovun adı həm də dəyəri yüz minlərlə manatla ölçülən dəbdəbəli avtomobil parkının rəsmiləşdirilməsində hallanır. Araşdırmalar göstərir ki, şəbəkə ətrafında hüquqi halqa daraldıqca, bu əmlaklar formal olaraq başqa şəxslərin adına rəsmiləşdirilib. Lakin Kazımov nəzarəti əldən verməmək üçün baş etibarnamə mexanizmindən istifadə edərək lüks avtomobillərin faktiki istifadəsini özündə saxlayıb. Bu, maliyyə cinayətləri zamanı qanunsuz yolla əldə edilmiş varidatın gizlədilməsi üçün istifadə olunan klassik sxemdir. Rauf Kazımovun bank sektorunda yaratdığı “qalxan”la yanaşı, maliyyə şəbəkəsi digər paralel maxinasiya kanallarından da aktiv istifadə edib.

Mərkəzi Bank və Maliyyə Bazarlarına Nəzarət Palatası tərəfindən heç bir lisenziya verilməməsinə baxmayaraq, Bank Aktivlərinin İdarə Edilməsi Agentliyi (BAİA) adlı MMC təsis edilib. "Amay" ticarət mərkəzi, "Azərinşaat Servis" və "İnter Tabako" kimi iri müəssisələrdən toplanan gündəlik və aylıq minlərlə manat nağd vəsait rəsmi hesablara deyil, birbaşa bu agentlik üzərindən mənimsənilib. Eyni zamanda, Azərbaycan Beynəlxalq Bankının Rusiyadakı toksik aktivlərinin qaytarılması adı altında dövlət büdcəsindən ayrılan yüz milyonlarla manat Çeçenistandakı şübhəli konsaltinq şirkətlərinə köçürülüb, vəsaitlərin böyük hissəsi "otkat" şəklində geri götürülüb.

Daxili İşlər Nazirliyinin Mütəşəkkil Cinayətkarlıqla Mübarizə Baş İdarəsi tərəfindən keçirilən əməliyyat zamanı Fuad Süleymanov (“Şurabad quşçuluq” MMC), Tofiq Musayev (“Şurabad broyler”) və Fazil Rüstəmov (“Salyansüd” MMC) saxlanılaraq barələrində 4 aylıq həbs qətimkan tədbiri seçilib. 100 milyon manatdan çox güzəştli krediti təyinatı dışı xərcləyərək dövləti mənimsəyən bu dəstənin bank ayağında Rauf Kazımovun oynadığı rol da istintaq qrupunun xüsusi diqqətində olduğu bildirilir.

Qeyd edək ki, bütün bu iddialarla bağlı Poliqon “TuranBank”a sorğu ünvanlayıb. Sorğumuza cavab almasaq da, qarşı tərəfin mövqeyini dərc etməyə hazırıq.(poliqon.info)

Şeyxin milyarder oğlu:

Wed, 07 Oct 2026 21:15:33 +0400

Poliqon xəbər verir ki, jurnalist Elmidar Əliyev şəxsi “Facebook” hesabında Qafqaz Müsəlmanları İdarəsinin rəhbəri Şeyxülislam Allahşükür Paşazadə və onun oğlu barədə diqqətçəkən məlumatlar paylaşıb.

Yenixeberorg.biz: Jurnalistin bildirdiyinə görə, Şeyxülislam Allahşükür Paşazadə bütün sərvətini və biznesini oğlu Məhəmməd Paşazadənin adına keçirib. İslam Peyğəmbərinin adını daşıyan oğul Paşazadə hazırda milyarder statusundadır. Onun təkcə Bakıda olan daşınmaz əmlaklarının qiyməti milyard manatı keçir. Həmçinin, Məhəmməd Paşazadənin Türkiyə başda olmaqla Avropanın bir çox ölkələrində geniş biznesi var. Təkcə Türkiyədə bir restoranın faktiki bazar qiyməti 100 milyon dollar civarındadır.

Məhəmməd Paşazadə həm də Türkiyə vətəndaşıdır və bir müddətdir ailəsi ilə birlikdə İstanbulda yaşayır. Onun Türkiyədə daşınmaz əmlak və biznes obyektlərinin olduğu barədə məlumatlar illər əvvəl yayılıb. Son dövrdə isə Türkiyədə 300 hektara yaxın torpaq sahəsi aldığı, bahalı otellər və restoran biznesində iştirak etdiyi bildirilir.

Son illərdə ən çox diqqət çəkən məsələlərdən biri Məhəmməd Paşazadənin “Blue City” layihəsidir. Xırdalanda, Həsən Əliyev küçəsi 7 ünvanında, Bakı Mühəndislik Universitetinin yaxınlığında yerləşən “Blue City” böyük yaşayış layihəsi kimi təqdim olunur. Məlumatlara görə, vaxtilə İlahiyyat Universiteti üçün ayrıldığı bildirilən 20 hektarlıq ərazinin 10 hektarı Məhəmməd Paşazadənin adına sənədləşdirilib və həmin ərazidə “Blue City” layihəsi həyata keçirilib. Yəni söhbət kifayət qədər böyük torpaq sahəsindən və iri yaşayış layihəsindən gedir.

Ailənin xaricdəki biznes fəaliyyəti bununla bitmir. Çexiyanın Karlovı Varı şəhərindəki əmlaklar və biznes fəaliyyəti barədə müxtəlif araşdırmalarda əvvəlcə “Aynur KV” şirkətinin adı keçib, sonradan şirkətin “MP İNTERNATİONAL S.r.o.” adı ilə Məhəmməd Paşazadənin adına keçirildiyi bildirilib. Maltada gəmiçilik fəaliyyəti ilə bağlı olan “MP TRADE SHIPPING LIMITED” şirkətinin təsisçisi kimi də Məhəmməd Paşazadə göstərilir.

Məhəmməd Paşazadə həm də ölkədən milyardları xaricə daşıyan iş adamlarından biridir. Onun hazırda Bakıdakı obyektlərini satıb, İspaniyada daşınmaz əmlak almaq planları qurduğu bildirilir.

İmamverdi İsmayılovun biznes imperiyası:

Wed, 07 Oct 2026 17:46:45 +0400

Milli Məclisin uzunmüddətli deputatı İmamverdi İsmayılovun ailə üzvləri ilə əlaqələndirilən şirkətlər illərdir media araşdırmalarının diqqətindədir. Bu şirkətlərdən biri dövlət tenderinin qalibi olub, digəri isə bankla məhkəmə mübahisəsində adı hallanan şirkətlər sırasındadır.

Yenixeberorg.biz: İmamverdi İbiş oğlu İsmayılov uzun illərdir Azərbaycan parlamentində təmsil olunur. O, hazırda 125 saylı Zəngilan–Qubadlı seçki dairəsinin deputatıdır, İnsan hüquqları komitəsinin üzvü və Azərbaycan–Mərakeş parlamentlərarası əlaqələr üzrə işçi qrupunun rəhbəridir. Amma İmamverdi İsmayılov ən susqun millət vəkillərindən biri hesab edilir. Mütamadi olaraq Zəngilana qayıdan insanlar öz problemlərini qabartsada nədənsə bu problemləri İmamverdi İsmayılov Milli Məclisin tribunasından dilə gətirməyə çəkinir. Daha bir maraqlı məqam isə sosial şəbəkələrdə İmamverdi İsmayılovun topdağıtmaz əmlakları ilə bağlı olan informasiyalardır. Millət vəkili parlamaentdə susqun olsa da, biznes yolunda böyük addımlar taraq sərvət qazanmağa nail olub.

İmamverdi İsmayılova bağlı olan ən böyük şirkətlərdən biri “MİR HOLDİNQ” MMC-dir. Şirkət 2009-cu ildə qeydiyyatdan keçib. Şirkətin təsisçisi və qanuni təmsilçisi kimi deputatın oğlu İlmir İsmayılov göstərilib.

Digər şirkət – “MİR GROUP HOLDİNQ” MMC – 2017-ci ildə qeydiyyata alınıb və onun da təsisçisi və qanuni təmsilçisi kimi İlmir İsmayılovun adı çəkilib.

Deputatın həyat yoldaşı Bağdagül İsmayılova “İKO” MMC ilə, gəlini Pərvanə İsmayılova isə “SUPER KİDS KLUB” MMC şirkətlərinin sahibidir. “MİR GLOBAL LOGİSTİCS” MMC-nin qanuni təmsilçisi kimi isə Fuad Qibləli oğlu Bünyadov göstərilir.

Ailə ilə əlaqələndirilən şirkətlərdən “MİR GROUP HOLDİNQ” MMC-nin adı 2021-ci ildə dövlət tenderi ilə bağlı gündəmə gəlib.

Bakı Turizm İnformasiya Mərkəzinin “Baku City Tour” ikimərtəbəli avtobus turu üçün xidmətlərin göstərilməsi ilə bağlı keçirdiyi tenderin qalibi “MİR GROUP HOLDİNQ” MMC olub.

Xəbərdə tenderin məbləği 128 865 manat göstərilib. Həmin vaxt şirkətin qanuni təmsilçisi kimi İlmir İsmayılovun adı qeyd olunub.

Tender çərçivəsində yeni xətt üçün mətnlərin hazırlanması, mövcud xətlər üzrə mətnlərin yenilənməsi, yeni marşrutların hazırlanması, materialların 12 dilə tərcüməsi və səsləndirilməsi kimi xidmətlər nəzərdə tutulub.

Digər diqqətçəkən məsələ “MİR HOLDİNQ” MMC ilə bağlıdır.

2020-ci ildə yayılan məlumatda “Bank Standard”ın ləğvetmə prosesində olduğu dövrdə İlmir İsmayılov və Pərvanə İsmayılovla bağlı məhkəmə mübahisəsi medianın gündəmindən düşmürdü.

Məlumata görə, bank “MİR HOLDİNQ” MMC-dən kredit öhdəliyinin qaytarılmasını tələb edib və məsələ məhkəmə instansiyalarına qədər gedib.

Daha yeni məlumatlarda isə “MİR HOLDİNQ” MMC-nin qanuni təmsilçisinin dəyişdiyi bildirilir.

2025-ci ilin noyabrında yayılan media məlumatına görə, şirkətin qanuni təmsilçisi İlmir İsmayılovun yerinə Cəfər Şərbətov təyin edilib. Həmin xəbərdə Cəfər Şərbətovun da İmamverdi İsmayılovun oğlu olduğu qeyd olunur.

Eyni materialda “MİR GROUP HOLDİNQ” MMC-nin qanuni təmsilçisinin isə İlmir İsmayılov olaraq qaldığı bildirilir.

Bu dəyişiklik şirkətlərin hazırkı hüquqi və maliyyə vəziyyətinin ayrıca araşdırılmasını zəruri edir.

“MİR HOLDİNQ” və “MİR GROUP HOLDİNQ” MMC-lərin hazırkı təsisçiləri kimlərdir?

Şirkətlərin son illərdəki nizamnamə kapitalı və maliyyə göstəriciləri necə dəyişib?

Bu şirkətlər dövlət satınalmalarında neçə dəfə iştirak edib və ümumi neçə manatlıq müqavilə əldə edib?

2021-ci ildəki 128 865 manatlıq tenderdən başqa hansı dövlət qurumları ilə müqavilələr bağlanıb?

Şirkətlərin hazırda hansı daşınar və daşınmaz əmlakları var?

Ailə üzvlərinin digər şirkətlərdə payları mövcuddurmu?

“MİR HOLDİNQ”in bankla məhkəmə mübahisəsinin yekun nəticəsi necə olub?

2025-ci ildə şirkətin qanuni təmsilçisinin dəyişdirilməsinin səbəbi nədir?

Suallar çox, cavab isə yoxdur…("Korrekt")

Qarşı tərəfin mövqeyini dərc etməyə hazırıq.

Kamaləddin Qafarov kimdir? -

Wed, 07 Oct 2026 16:56:00 +0400

Kamaləddin Qafarov uzun illərdir həm parlament fəaliyyəti, həm də əczaçılıq və tibb biznesi ilə bağlı mediada adı çəkilən deputatlardan biridir

Yenixeberorg.biz: Deputatın karyerasında diqqət çəkən məqamlardan biri Milli Onkologiya Mərkəzində rəhbər vəzifədə çalışmasından əvvəl “Azəri Med” şirkətində fəaliyyət göstərməsi, daha sonra isə Milli Məclisə seçilməsidir.

Qafarov haqqında mediada Milli Onkologiya Mərkəzi, “Azəri Med”, “Zəfəran” apteklər şəbəkəsi, “Zəfəran Hospital”, “Versal Palace” və digər şirkət və obyektlərlə bağlı müxtəlif məlumatlar yayılıb. Bu materialların bir hissəsi kommersiya reyestri və satınalma məlumatlarına, digər hissəsi isə jurnalistlərin və ayrı-ayrı media resurslarının irəli sürdüyü iddialara əsaslanır.

Bəs xalq arasında Milli Onkologiya Mərkəzinin qeyri-rəsmi patronu olaraq tanınan Kəmaləddin Qafarov kimdir?

Kamaləddin Nəsrəddin oğlu Qafarov 7 sentyabr 1976-cı ildə Naxçıvan şəhərində anadan olub. Milli Məclisin rəsmi məlumatına görə, o, 2024-cü il sentyabrın 23-də keçirilən parlament seçkilərində 9 saylı Binəqədi ikinci seçki dairəsindən VII çağırış Milli Məclisə deputat seçilib.

Qafarov Yeni Azərbaycan Partiyasının üzvüdür. Hazırda Milli Məclisin Səhiyyə və İntizam komissiyalarının üzvüdür və Azərbaycan-Pakistan parlamentlərarası əlaqələr üzrə işçi qrupuna rəhbərlik edir. O, həmçinin bir sıra digər parlamentlərarası işçi qrupların üzvüdür.

Bütün bunlar Kamaləddin Qafarovun rəsmi titullarıdır. Qeyri-rəsmi titulları arasında isə onun Milli Onkologiya Mərkəzinin qeyri-rəsmi patronu, əsasən tibb sahəsinə aid olan çox saylı biznes şəbəkəsinin sahibi, qeyri-rəsmi milyarder olması ilə bağlı iddialar var.

Rəsmi bioqrafiyada onun xarici dillərdən rus və türk dillərini sərbəst bildiyi, ailəli və dörd övladının olduğu da qeyd edilir.

Qafarov harada təhsil alıb?

Milli Məclisin saytında yerləşdrilən rəsmi bioqrafiyasına görə, Kamaləddin Qafarov Naxçıvan Dövlət Universitetini 1997-ci ildə, Azərbaycan Dövlət İqtisad Universitetini isə 2009-cu ildə bitirib.

İlk ali təhsilində ixtisası meyvə-tərəvəzçilik və üzümçülük, ikinci ali təhsilində isə iqtisadçıdır. Amma o bütün həyatı boyunca əczaçılıq və tibb sahəsində fəaliyyət göstərib.

Qafarovun təhsil istiqaməti sonrakı əczaçılıq və siyasi fəaliyyəti ilə müqayisə edilərək zaman-zaman mediada müzakirə mövzusuna çevrilib. Lakin bu, özlüyündə onun peşəkar fəaliyyəti və ya deputatlıq hüququ ilə bağlı hər hansı hüquqi problem yaratmır.

Əmək fəaliyyətinə harada başlayıb?

Qafarovun sonrakı biznes əlaqələri ilə bağlı müzakirələrin əsas səbəblərindən biri onun uzun müddət “Azəri Med”də çalışması və sonradan bu şirkətlə bağlı hər zaman diqqət mərkəzində olub.

Kamaləddin Qafarov 2005–2014-cü illərdə “Azəri Med” MMC-də operator və maliyyə müdiri vəzifələrində çalışdığı göstərilir. Şirkət onun qohumunun adına qeydiyyatda olsa da, şirkətin əsil sahibinin məhz o olması barədə iddialar hər zaman dövriyyədə olub.

Bir neçə media araşdırmasına görə, “Azəri Med”in əvvəlki hüquqi ünvanı məhz Kamaləddin Qafarovun özünün yaşadığı mənzil olub. 2024-cü ildə yayımlanan məhkəmə mövzulu materialda “Azəri Med”in hüquqi ünvanının Qafarov və ailə üzvlərinin qeydiyyatda olduğu mənzillə üst-üstə düşməsi ayrıca fakt kimi təqdim edilib. Həmin yazıda mediada Qafarovla əlaqələndirilən “Kanon”, “Mega Pharmacy”, “Azeri Med MNK”, “Versal”, “Versal Palace” və “Naturalist” kimi şirkətlərin də adı çəkilir.

“Azəri Med”lə bağlı son araşdırmalarda şirkətin əvvəlki qanuni təmsilçilər arasında Qafarov soyadlı şəxslərin olduğu və onların deputatla qohum olduğu bildirilir. Lakin şirkətin hazırkı qanuni təmsilçisi Famil Rəhimlidir. O 2016-cı ildən şirkətin hüquqi təmsilçisidir, lakin buna baxmayaraq şirkətin əsil sahibinin məhz Kəmaləddin Qafarov olması çoxlarında şübhə doğurmur.

“Azəri Med”in tenderləri niyə diqqət çəkir?

“Azəri Med”in dövlət tibb müəssisələri ilə bağladığı çoxmilyonluq müqavilələr Qafarov barədə mediada yayılan materialların əsas mövzularındandır. Qeyd edək ki, “Azəri Med” şirkəti 2015-ci ildən bu günlərə qədər Milli Onkologiya Mərkəzindən 100 milyonlarla manat tenderlər udub.

2024-cü ilin mayında Milli Onkologiya Mərkəzi “Azəri Med”lə 29 milyon 829 min 766 manatlıq müqavilə bağlayıb. 2025-ci ilin mayında müqavilənin məbləği 35 milyon 849 min 901 manatdan çox olub. 2026-cı ilin iyulunda isə Milli Onkologiya Mərkəzinin şirkətlə 34 milyon 961 min 987 manatlıq daha bir müqavilə bağladığı barədə məlumat yayılıb.

2026-cı ilin avqustunda isə Milli Onkologiya Mərkəzinin “Azəri Med”lə 50 milyon 320 min 46 manat 90 qəpik dəyərində yeni müqavilə bağladığı bildirilib.

Mediada dövlət satınalmaları portalındakı məlumatlara əsasən, 2019-cu ildən 2026-cı ilin avqustuna qədər Milli Onkologiya Mərkəzinin “Azəri Med”lə 36 müqavilə bağladığı və onların ümumi dəyərinin 289,5 milyon manatdan çox olduğu yazılıb.

Milli Onkologiya Mərkəzinə necə keçib?

Qafarov 2014–2015-ci illərdə rəsmi olaraq Milli Onkologiya Mərkəzində baş direktorun müavini vəzifəsində çalışıb. Bu məlumat onun parlamentə seçilməzdən əvvəlki karyerasının mühüm mərhələlərindən biridir.

2015-ci ildə deputat seçildikdən sonra bu vəzifədən ayrılsa da, Milli Onkologiya Mərkəzi bu günə qədər birmənalı olaraq Kəmaləddin Qafarovla əlaqələndirlir. Xalq içində o qeyri rəsmi olaraq Milli Onkologiya Mərkəzinin patronu olaraq tanınır.

Qeyd edək ki, Milli Onkologiya Mərkəzi əhalinin ən çox şikayət etdiyi nə narazı qaldığı qurumlar arasında yer alır.

Onkologiya Mərkəzindən parlamentə keçid necə olub?

Qafarov ilk dəfə 2015-ci ildə YAP-ın namizədi olaraq Milli Məclisə deputat seçilib. Daha sonra VI və VII çağırış parlamentlərdə də mandat qazanıb.

2024-cü il seçkilərində 9 saylı Binəqədi ikinci seçki dairəsindən yenidən deputat seçilib. Rəsmi məlumatda onun parlamentdə Səhiyyə və İntizam komissiyalarının üzvü olduğu göstərilir.

Onun parlament fəaliyyəti əsasən səhiyyə, dərman bazarı, tibbi xidmətlər və digər sosial məsələlərlə bağlı müzakirələrlə əlaqələndirilir.

Parlamentdə hansı fəaliyyətlə yadda qalıb?

Qafarov uzun müddət Milli Məclisin Səhiyyə komitəsində fəaliyyət göstərib. O, dərman vasitələrinin dövriyyəsi, səhiyyə sistemi, icbari tibbi sığorta və tibbi xidmətlərlə bağlı komissiya müzakirələrində çıxış edib.

Siyasi mövqeyində isə hakim Yeni Azərbaycan Partiyasının xəttini dəstəkləyən deputatlardan biri kimi çıxış edir.

Qafarovun parlament fəaliyyəti ilə bağlı rəsmi məlumatlar əsasən onun qanunvericilik fəaliyyətinə, səhiyyə məsələlərinə və beynəlxalq parlament əlaqələrinə yönəlib.

Milli Məclisin iclaslarında təsadüfdən-təsadüfə çıxış etdiyinə görə mətbuat onu "lal deputatlar" qrupuna aid edib. Doğrudan da bu günə qədər yaxın ətrafından kənarda Kəmaləddin Qafarovun səsini eşidən çox az adam var.

Kamaləddin Qafarova Ramiz Mehdiyev hamilik edib?

Uzun illər boyu bəzi media resursları Qafarovu Ramiz Mehdiyevin siyasi çevrəsi ilə əlaqələndirib və onun Mehdiyevin “sadiq kadrları”ndan biri kimi təqdim edib. Qafarovun biznes və siyasi karyerası ilə bağlı Mehdiyevin xüsusi tapşırıqlar verdiyi iddia edilir.

İddilara görə Kamaləddin Qafarov dibb və dərman sektorunda Ramiz Mehdiyevin maraqlarını təmsil edib və onun karyerasında bu təmsilçilik əsas rol oynayıb.

Mətbuatda Qafarov haqqında müsbət məlumatlar nələrdir?

Qafarov haqqında müsbət məzmunlu məlumatların əsas hissəsi onun parlament fəaliyyətinə aiddir.

O, bir neçə çağırış Milli Məclisdə deputat olub, Səhiyyə komitəsinin üzvü kimi fəaliyyət göstərib və parlamentlərarası əlaqələr üzrə müxtəlif qruplarda təmsil olunub.

Onun fəaliyyəti ilə bağlı müxtəlif illərdə dövlət təltifləri aldığı barədə də media məlumatları yayılıb.

“Zəfəran” aptekləri Qafarovun biznesinə daxildirmi?

“Zəfəran” apteklər şəbəkəsinin adı da illərdir Qafarovun biznes çevrəsi ilə bağlı media materiallarında çəkilir.

2020-ci ildə Baku.ws portalı “Zəfəran Apteklər şəbəkəsi”ni Qafarovun biznes şəbəkəsinə aid olduğu iddia edilən müəssisələr sırasında göstərib. Həmin siyahıda “Zəfəran Hospital”, “Azəri Med”, “Kanon”, “Mega Pharmacy”, “Versal Palace”, “Naturalist” və digər şirkətlərin adları da yer alıb.

Sonrakı illərdə digər media resursları da “Zəfəran” apteklərini Qafarovun biznes çevrəsi ilə əlaqələndirib. 2025-ci ildə yayımlanan materiallardan birində “AzeriMed Tibbi Market”, “Zəfəran” apteklər şəbəkəsi və “Zəfəran Hospital”ın deputata məxsus olduğu iddia edilib.

Lakin açıq mənbələrdə “Zəfəran” apteklərinin Qafarovun şəxsi mülkiyyətində olduğunu təsdiqləyən sənəd təqdim edilmir.

“Zəfəran Hospital”ın Qafarovla əlaqəsi necə ortaya çıxıb?

“Zəfəran Hospital” da eyni media siyahılarında Qafarovla əlaqələndirilən müəssisələrdən biridir.

Hospitalın öz rəsmi internet səhifəsində “Zəfəran” brendinin yaratdığı geniş profilli özəl tibb mərkəzi kimi təqdim olunur. Hospitalda təcili yardım, laboratoriya, kardiologiya, cərrahiyyə, radiologiya, reanimasiya, ginekologiya, nevrologiya, endokrinologiya və digər tibbi xidmətlərin göstərildiyi bildirilir.

Daha maraqlı məqam isə Azərbaycan Tibb Universitetinin materiallarından birində “AzeriMed”in fəaliyyət sahələri sırasında “Zəfəran” aptek, “Kanon” aptek, “Günəbaxan” aptek və “Zəfəran Hospital”ın birlikdə təqdim edilməsidir. Həmin materialda “Zəfəran Hospital” və aptek şəbəkəsi eyni səhiyyə-kommersiya ekosisteminin hissələri kimi göstərilir.

Bu məlumat “Zəfəran”ın “Azəri Med”lə müəyyən biznes əlaqəsinin olduğunu göstərir.

“Zəfəran” şəbəkəsi nə qədər böyükdür?

“Zəfəran” yalnız bir aptekdən ibarət olmayıb. Açıq mənbələrdə şəbəkənin müxtəlif illərdə bir neçə aptek məntəqəsini əhatə etdiyi, eyni zamanda “Zəfəran Hospital”la birlikdə təqdim edildiyi görünür.

Azərbaycan Tibb Universitetinin yayımladığı materialda “AzeriMed”in fəaliyyət istiqamətləri arasında aptek şəbəkəsi, dərman və tibbi vasitələrin distribusiyası, tibbi avadanlıq, laboratoriya, stasionar xidmət, diaqnostika və “Zəfəran Hospital” qeyd olunur.

Bu isə həmin dövrdə “Zəfəran” adının ayrıca aptek biznesindən daha geniş tibbi-kommersiya strukturu daxilində istifadə edildiyini göstərir.

“Versal Palace” Qafarovun mülküdürmü?

Qafarovla bağlı media materiallarında “Versal Palace” və “Versal” adlı şirkətlərin də adı çəkilir.

2020-ci ildə Baku.ws portalında yayımlanan siyahıda “Versal” MMC və “Versal Palace” MMC Qafarovun biznes şəbəkəsinə daxil olduğu iddia edilən şirkətlər arasında göstərilib.

Bəzi digər media materiallarında isə “Versal Palace”ın qanuni təmsilçisinin Qafarovun qardaşı Cəlaləddin Qafarov olduğu yazılıb.

Qafarovun başqa hansı şirkətləri mediada hallanır?

Müxtəlif illərdə Qafarovla əlaqələndirilən şirkətlərin siyahısı kifayət qədər geniş olub.

Bunların arasında “Azəri Med”, “Azəri Med-MNK”, “Kanon”, “Mega Pharmacy”, “Naturalist”, “AvestaFarm”, “Versal”, “Versal Palace”, “Shafran”, “Zəfəran Hospital” və “Zəfəran” apteklər şəbəkəsinin adları çəkilib.

Lakin bütün bu şirkətlərin eyni hüquqi sahibə məxsus olduğunu göstərən vahid və tam açıq sənəd mövcud deyil.

Qafarovun daşınmaz əmlakı barədə nə məlumdur?

Qafarovun əmlakı barədə də müxtəlif media yazıları dərc olunub. Bəzi nəşrlərdə onun və ailə üzvlərinin müxtəlif daşınmaz əmlaklara, kommersiya obyektlərinə və yaşayış sahələrinə malik olduğu iddia edilir.

Açıq mənbələrdə onun qardaşları Hüsaməddin və Cəlaləddin Qafarovun, həmçinin digər yaxın qohumlarının müxtəlif şirkətlərdə hüquqi təmsilçi və ya təsisçi kimi göstərilməsi barədə məlumatlar var.

Xaricdə əmlak və sərvət barədə iddialar nə qədər əsaslıdır?

Bəzi media materiallarında Qafarovun xaricdə əmlakı və biznes aktivlərinin olduğu barədə də iddialar səsləndirilib.

Açıq mənbələrdə Qafarovun xaricdə biznes aktivləri olması barədə konkret olaraq iki şirkətin adı çəkilir: Gürcüstandakı “Helios Pharma LTD” və Kiprdə qeydiyyatdan keçmiş “Salidont LTD”.

“Helios Pharma” Gürcüstanda həqiqətən mövcud olan və hazırda da fəaliyyət göstərdiyi görünən şirkətdir. Gürcüstanın biznes məlumat bazasında şirkətin qeydiyyat tarixi 12 noyabr 2009-cu il, hüquqi ünvanı isə Tbilisi, Qorqasali küçəsi 41 göstərilir. Fəaliyyət sahəsi dərman vasitələrinin topdan satışı və əczaçılıq anbarlarıdır. Şirkətin statusu “operating” kimi göstərilir.

Araşdırmaçı jurnalist Cavanşir Həsənlinin materiallarında “Helios Pharma”nın 2018-ci ilin mayına qədər Qafarovun qardaşı kimi təqdim edilən Hüsaməddin Qafarovun adına olduğu, daha sonra isə Canilya Qafarovanın adına keçirildiyi iddia olunub. Şirkətin Tbilisidəki Qorqasali küçəsi 41 ünvanı da həmin materiallarda göstərilib.

Cavanşir Həsənlinin 2019-cu ildə yayımlanan araşdırmasına görə, “Salidont LTD” 7 noyabr 2019-cu ildə Kiprin cənubunda, Limassol şəhərində HE403879 qeydiyyat nömrəsi ilə yaradılıb. Şirkətin idarə olunmasının Patricia Stilianou adlı şəxsə həvalə edildiyi bildirilirdi.

Sonrakı media materiallarında da “Salidont LTD” Qafarovun xaricdəki biznes aktivlərindən biri kimi təqdim olunub. Qaynarinfo 2024-cü ildə bu şirkəti Qafarovla əlaqələndirilən xarici şirkətlər arasında göstərib

Qafarov haqqında korrupsiya iddiaları varmı?

Bəli. Müxtəlif media resurslarında Qafarov dövlət satınalmaları, əczaçılıq biznesi və Milli Onkologiya Mərkəzinin tenderləri kontekstində tənqid olunub.

Əsas iddia “Azəri Med”in faktiki sahibinin Qafarov olması və şirkətin onun keçmiş iş yeri olan Milli Onkologiya Mərkəzinin iri tenderlərində ardıcıl qalib olması üzərində qurulur.

Qafarovun plagiat yazılar dərc etməsi ilə bağlı iddialar nədən ibarətdir?

Kamaləddin Qafarovun adı ilə bağlı digər mübahisəli mövzu onun müxtəlif media resurslarında yayımlanan analitik yazılarıdır.

Bəzi media materiallarında Qafarovun adına yayılan siyasi-analitik məqalələrin faktiki müəllifinin özü olmadığı, yazıların başqa şəxslər tərəfindən hazırlandığı və ya başqa mənbələrdən götürüldüyü iddia edilib.

2026-cı ildə savash.media portalında yayımlanan materiallarda Qafarovun çıxış və yazıları ilə bağlı tənqidi fikirlər səsləndirilib və onun adı ilə yayılan yazıların müəllifliyi məsələsi gündəmə gətirilib. Yazıda konkret olaraq belə bir iddia irəli sürülür, Qafarovun mətbuatda yayımlanan siyasi-analitik yazılarının “öz beyninin məhsulu olmadığı” barədə əvvəllər məlumatlar yayıldığı qeyd edilir.

“Qafarov Azərbaycan dilində yaza bilmir” iddiası nə qədər əsaslıdır?

Həmçinin deputatın latın qrafikalı Azərbaycan əlifbası ilə yazıb-oxuya bilmədiyi də iddia edilir.

2026-cı ildə bəzi media resurslarında Qafarovun nitqi və yazı qabiliyyəti ilə bağlı tənqidi materiallar yayılıb. Bu materiallarda onun parlament çıxışları və adına dərc olunan analitik yazılar müqayisə edilərək müxtəlif iddialar irəli sürülüb.

Lakin onun Azərbaycan dilində yaza və ya oxuya bilməməsi barədə açıq mənbələrdə müstəqil ekspertiza və ya rəsmi təsdiq yoxdur.

Qafarovun özü bu iddialara nə cavab verib?

2026-cı ildə AzadlıqRadiosu “Azəri Med”in Qafarovla əlaqəsi barədə ondan mövqe almağa çalışdığını, lakin deputatla əlaqə yarada bilmədiyini yazıb.

Digər mətbu orqanlar da bu günə qədər Kamaləddin Qafarovla bu iddialarla bağlı mövqeyini öyrənə bilməyib.("Poliqon)

“KƏNDAHAR” MMC-yə şübhəli yollarla gəlir əldə etməyə kimlər şərait yaradır? -

Wed, 07 Oct 2026 14:57:55 +0400

Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyəti Hacıqabul rayonu, Nəvahi qəsəbəsində 17 ədəd fərdi yaşayış evlərinin bərpası üzrə 11.08.2026-cı ildə başladığı açıq tenderə yekun vurub. Müsabiqənin qalibi “KƏNDAHAR” Məhdud Məsuliyyətli Cəmiyyəti seçilib və tərəflər arasında 397.236,17 manat məbləğində satınalma müqaviləsinin bağlanılması planlaşdırılır. Məlumat satınalmaların portalında 05.10.2026-cı ildə dərc edilib.

Yenixeberorg.biz: İnternet axtarış sistemləri üzərindən apardığımız araşdırmada “KƏNDAHAR” MMC barəsində heç bir məlumat əldə edə bilmədik. Şirkətin fəaliyyəti, işçi heyəti, texniki imkanları və həyata keçirdiyi layihələr barədə ictimaiyyətə açıq geniş məlumat yoxdur.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “KƏNDAHAR” (VÖEN: 2007800261) Məhdud Məsuliyyətli Cəmiyyətinin 17.01.2023-cü il tarixdə 2 saylı Ərazi Vergilər İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 50 manat olan MMC-nin hüquqi ünvanının ABŞERON RAYONU, QOBU QƏSƏBƏSİ, QOBU QƏSƏBƏSİ, ev.42, m.25, qanuni təmsilçisi kimi isə Paşayeva Mətanət Əlhəmpaşa qızı olduğu qeyd olunub.

“Lisenziyalar və İcazələr haqqında” Azərbaycan Respublikası Qanununun 8.1 maddəsinə uygun olaraq İqtisadiyyat Nazirliyi tərəfindən aparılan lisenziyaların və icazələrin vahid reyestrində yerləşdirilmiş məlumatlara görə MMC-yə tikintisinə icazə tələb olunan bina və qurğuların tikinti-quraşdırma işləri üzrə lisenziya 05.05.2025-ci ildə verilib.

Göründüyü kimi MMC dövlət qeydiyyatına alındıqdan cəmi 5 ay sonra müvafiq lisenziya alıb.

Nazirlər Kabinetinin 21.12.2018-ci il tarixli 556 saylı qərarı ilə mikro, kiçik, orta və iri sahibkarlıq subyektlərinin bölgüsü meyarları müəyyən edilib. Bu bölgüyə əsasən mikro sahibkarlara 1 – 10 nəfər işçisi olub, illik gəliri 200 min manata qədər olan müəssisələr aid edilirlər. Bölgüyə görə 11 – 50 nəfər işçisi olub, illik gəliri 200 min manatdan 3 milyon manatadək olan müəssisələr kiçik sahibkarlıq subyektinə aid edilirlər. Qərara görə 51 – 250 nəfər işçisi olub, illik gəliri 3 milyon manatdan 30 mln. manatadək olan müəssisələr orta sahibkarlıq subyektinə aiddirlər.

“KƏNDAHAR” Məhdud Məsuliyyətli Cəmiyyəti sahibkarlıq subyektlərinin bölgüsü meyarlarına görə kiçik sahibkarlıq kateqoriyasına aiddir. Yəni MMC-nin Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi ilə çalışan 11 – 50 nəfər işçisi var.

Maraqlıdır, bu işçi qüvvəsi ilə Hacıqabul rayonu, Nəvahi qəsəbəsində 17 ədəd fərdi yaşayış evlərinin bərpasını nə vaxta həyata keçirəcək?

Qeyd edək ki, MMC bundan əvvəl Ağdam rayon İcra Hakimiyyəti ilə rayon ərazisində subartezian quyularının əsaslı təmiri işləri üzrə 190.000,06 manat dəyərində, rayon ərazisində abadlıq işlərinin görülməsi üzrə 220.494,8 manat dəyərində, Qaçqınların və Məcburi Köçkünlərin İşləri üzrə Dövlət Komitəsinin Tikilməkdə olan Müəssisələr Müdriyyəti ilə Bakı şəhəri ərazisində məcburi köçkünlərin məskunlaşdığı binalarda cari təmir işlərinin satınalınması üzrə 430.610,91 manat dəyərində, sözügedən dövlət qurumunun Mənzil İstismar Departamenti ilə Biləsuvar rayonunda salınmış məcburi köçkün qəsəbələrində fərdi yaşayış evlərinin təmiri üzrə 799.054,11 manat dəyərində satınalma müqavilələri bağlayıb.

Buradan suallar yaranır. Sahibkarlıq subyektlərinin bölgüsü meyarlarına görə kiçik sahibkarlıq kateqoriyasına aid olan bu MMC belə iri həcmli dövlət sifarişlərini yerinə yetirmək iqtidarındadırmı?

MMC-nin belə iri həcmdə işləri həyata keçirmək üçün hansı maddi-texniki bazaya və işçi potensialına malik olduğu isə əlavə suallar yaradır. Belə satınalmaların qalibi seçilərkən sifarişçi dövlət qurumları MMC-nin texniki imkanlarının və Əmək Məcəlləsində nəzərdə tutulmuş qaydada əmək müqaviləsi ilə çalışan profesional işçi qüvvəsini və Nazirlər Kabinetinin 30 dekabr 2023-cü il tarixli 494 nömrəli Qərarı ilə müəyyən edilmiş uyğunluğun qiymətləndirilməsinin digər meyarlarını necə müəyyən edirlər.

Məsələn, Azərbaycan Memarlıq və İnşaat Universiteti 28.08.2026-cı ildə “KƏNDAHAR” MMC ilə 2026-cı ildə Universiteti bitirmiş tələbələrin xüsusi tədbirinin keçirilməsi üzrə 85.963 manat dəyərində müqavilə bağlayıb.

Sual yaranır. Təmir-tikinti işləri üzrə ixtisaslaşmış bir şirkətin tələbələrin xüsusi tədbirinin keçirilməsi üzrə tenderdə iştirakına necə yol verilib?

Göründüyü kimi, “KƏNDAHAR” MMC yalnız 2026-cı ildə ümumi dəyəri milyon manatdan çox olan bir neçə tenderin qalibi seçilib ki, hamısı şübhəli məqamlarla doludur. Sahibkarlıq subyektlərinin bölgüsü meyarlarına görə kiçik sahibkarlıq kateqoriyasına aid olan bu MMC-yə belə iri həcmli dövlət sifarişlərininin qalibi olmağa kimlər şərait yaradır?

MMC-nin fəaliyyəti, işçi heyəti, texniki imkanları və həyata keçirdiyi layihələr barədə ictimaiyyətə açıq geniş məlumatların olmaması MMC-nin podratçı şirkətlərlə işlədiyini deməyə əsaslar verir. Yəni dövlət qurumlarının keçirdiyi tenderlərdə qalib çıxdıqdan sonra MMC işə başqa ixtisaslaşmış şirkətləri cəlb edir və onlarla subpodrat müqavilələr bağlayır. Nəticədə heç bir iş görmədən dövlət büdcəsindən kifayət qədər ciddi məbləğlərdə gəlirlər əldə edir. Təbii ki, MMC -yə yaradılan bu şəraitin arxasında gizli qüvvələrin olması istisna deyil.(aktualinfo.net)

Rauf Kazımovun offşor izləri, səhm maxinasiyaları ilə bağlı sensasion məlumatlar-

Wed, 07 Oct 2026 12:46:27 +0400

Azərbaycan bank sektorunu silkələyən sensasion araşdırmanın pərdəarxası məqamları üzə çıxır

“Aqrarkredit” ətrafında başlayan irimiqyaslı əməliyyatlar dövlət büdcəsinə vurulan on milyonlarla manatlıq zərərin əsas icraçılarından birinin - Rauf Kazımovun rəhbərlik etdiyi maliyyə zəncirini ifşa edib.

Yenixeberorg.biz: Məlumata görə, hüquq-mühafizə organlarının keçirdiyi genişmiqyaslı əməliyyatlar və redaksiyamıza daxil olan şok faktlar göstərir ki, kənd təsərrüfatına ayrılan dövlət vəsaitlərinin silinməsi yalnız bir BOKT çərçivəsində qalmayıb. Çirkli pulların leqallaşdırılması və izlərin itirilməsi prosesində əsas yükü kommersiya bankçılığı, xüsusən də hazırda “TuranBank”ın Müşahidə Şurasının sədri olan Rauf Kazımovun idarə etdiyi maxinasiya mexanizmi daşıdığı iddia olunur.

Qeyd edək ki, bütün bu iddialarla bağlı Poliqon “TuranBank”a sorğu ünvanlayıb. Sorğumuza cavab almasaq da, qarşı tərəfin mövqeyini dərc etməyə hazırıq.(poliqon.info)

Sabiq deputat Əsabil Qasımovun “Azər-Tikinti” şirkətinə cinayət işi açıldı… -

Wed, 07 Oct 2026 12:08:00 +0400

İş üzrə qanunsuz qətnamə qəbul edən Bakı Apellyasiya Məhkəməsinin hakimi Fuad Talışınskini Əsabil Qasımovla hansı qohumluq əlaqəsi bağlayır?

Yenixeberorg.biz: Keçək mətləbə: Azərbaycan Nazirlər Kabinetinin 25.02.2016-cı il tarixli, 85 saylı qərarı ilə “Azər-Tikinti-Şirkəti» MMC-yə Bakı şəhər Nəsimi rayonunun Azadlıq prospekti, Sahib Zeynalov və Mirəli Qaşqay küçələrinin əhatə etdiyi ərazidə köhnə yaşayış evlərinin və qeyri-yaşayış obyektlərinin qanunvericilikdə nəzərdə tutulmuş qaydada sökülməsi, yerində hündürmərtəbəli yaşayış və qeyri-yaşayış tikintilərinə icazə verilmişdir… Və “Azər-Tikinti» MTK şirkəti də mülkiyyətçilərlə razılaşaraq 21 dekabr 2018-ci il tarixində “Razılaşma” müqaviləsi bağlayaraq Azadlıq prospekti-40 və 42 ünvanlarındakı yaşayış binalarının sökülməsindən sonra həmin binaların yerində tikiləcək coxmərtəbəli yeni binadan 170 kv.m təmirli qeyri-yaşayış sahəsinin və 226 kv.m olan iki təmirli mənzilin açarlarının 24 ay müddətində təqdim edilməsi ilə bağlı mülkiyyətçilər qarşısında öhdəlik götürmüşdür.

Xatırladırıq ki, həmin “Razılaşma” müqaviləsinin 2.1 maddəsinə əsasən, sözügedən əmlaklar (226m²+170 m²) Sahibkarlıq Fondundan dövlət dəstəyi ilə ayrılmış 2 (iki) milyon manat kreditin və 5 il ərzində ona hesablanmış 503 min manat faiz üçün ipoteka ilə yüklü olduğuna görə tərəflər razılığa gəlmişlər ki, Azadlıq prospekti-42 ünvandakı binanın 170 m² sahəsinin altındakı zirzəmi mərtəbəsində mülkiyyətçiyə məxsus 70.7 m² və 85 m²əmlaklar satılır, əldə olunan vəsaitlə Əmanətlərin Sığortalanması Fondunun girovundan 10.03.2019-cu il tarixinədək azad edilsin, sonra söküntü işlərinə başlanılsın.

Sabiq deputatın mənzil fırıldaqçılığı və bu əmələ şərik olan hakimlər…

Beləliklə, ”Azər-Tikinti” MTK alqı-satqının mülkiyətçilərlə aparılması üçün sabiq deputat Əsabil Qasımovun (onun adı Milli Məclisin rəsmi saytında yaxın qohumu, İmişli rayonunun Bərcəvan kənd sakini Əhmədova Könül Cabbar qızını səlahiyyətli şəxs qismində təqdim edilmişdir.

Beləcə, sonradan alqı-satqı zamanı məlum olmuşdur ki, 85 m²sahə elektron sistemdə yüklü göründüyündən yalnız 70.7m² sahəsi olan əmlakın alqı-satqısı aparılmış, ona görə də tərəflər 85 m² sahənin yüklülükdən çıxardıqdan sonra alqı-satqısının aparılacağına razılaşmışdır. Amma 85m² obyekti yüklülükdən çıxarıb MTK-ya təqdim edənə qədər əmlak üzərində heç bir hüquqları olmadıqları halda, “Azər-Tikinti” MTK ilə sabiq deputatın təqdim etdiyi sevimli nümayəndəsi Əhmədova Könül Cabbar qızı ilə öz aralarında 19.02.2019-cu ildə saxta müqavilə tərtib edilmiş, 85 m² sahə özbaşına sökülmüşdür.

Bundan sonra görün nə baş vermişdir: sabiq deputata məxsus olan “Azər-Tikinti” MMC-nin İdarə Heyətinin sədri Mətin Rəfail oğlu Əmiraslanov olsa da, Əsabil Qarakişi oğlu Qasımov yaxın qohumu olan və bu məsələlərə heç bir aidiyyəti olmayan Könül Əhmədova ilə birləşərək, hətta 85 m² sahəli obyektin üzərində heç bir mülkiyyət hüquqları olmadığı bir halda, «Azərtikinti» MMC-nin icraçı direktoru Namiq Xuduş oğlu Umudovla notariusdan keçməyən saxta müqavilə tərtib etmişdir. Beləcə, «sənə güvəndiyim dağlar, sənə də qar yağarmış» məntiqi ilə çətin durumla qarşılaşan mülkiyyətçilər sözügedən 85m² sahənin özbaşına uçurulması və kirayə haqqının ödənilməməsi ilə bağlı Nəsimi rayon Məhkəməsinə şikayət vermişlər.

Nəsimi rayon Məhkəməsinin 01.06.2022-ci il tarixli №-2(006)-332/2022 saylı qətnaməsi ilə 170 m² qeyri- yaşayış və 226 m² yaşayış sahəsinin 2021-ci ilin oktyabr ayından 2022-ci ilin may ayına kimi ödənilməyən kirayə haqlarının, eləcə də ”Azər-Tikinti” MMC-nın heç bir mülkiyyət hüququ olmadan 85 m² mülkün özbaşına uçurulması ilə bağlı dəymiş ziyanın əvəzi olaraq 394 min 342 manat, kirayə haqqının isə 14 400+9600 manat, səmi-24 min manat ödənilməsi barədə qərar vermişdir.

Həmin qətnamədən 28 gün sonra, yəni 29.06.2022-ci il tarixdə Könül Əhmədova qəsdən mülkiyyətçilərə rəsmi “Təklif” məktubu göndərərək guya 85 m² və 70 m² obyektlərin hər ikisinə birlikdə cəmi 155.7 m² sahə üçün Dövlət qeydiyyatından çıxarış aldığını, guya alqı-satqı zamanı 70.7 m² üçün verdiyi 328 min manatın təkcə 70.7 m² üçün deyil, həm də 85m^2- -cəmi 155.7 m² üçün verildiyini, əks təqdirdə həmin mülkü qaytaracağını bildirmişdir.

Əhmədova Könül Cabbar qızı bu dəf daha başqa bir fənd işlədir: Nəsimi rayon Məhkəməsinin yuxarıda qeyd olunan qətnaməsindən apellyasiya şikayəti verir. İşə baxan Bakı Apellyasiya Məhkəməsinin hakimi Fuad Talışıinski Könül Əhmədovanın məhkəməyə təqdim etdiyi iddia ərizəsinə əlavə edilmiş saxta “Təklif” məktubu və “Mülahizələrinə” istinad edərək qiymətləndirmə ekspertizası keçirilməsi barədə qərardad çıxarır.

Diqqət edirsizmi, hətta vəsatət verilərək hakim Fuad Talışınskinin diqqətinə sözügedən 85 m² və 70 m² obyektlərin hələ 2016-cı il tarixində- sökülməmişdən əvvəl, “Əmlak Ekspertizası Mərkəzi” adlı qiymətləndirmə şirkətinin ƏEM/i- 04-232 nömrəli,16 saylı ekspert rəyi ilə 85 m² sahə üçün 360 min manat, 70.7m² sahə üçün isə 305 min manat, cəmi məbləğ-665 min manat, 155.7 m² sahənin 1 m²-nin isə qiymətinin 4271 manat olduğu, eləcə də məhkəmə qərarı ilə təyin edilmiş digər və ”Mülkiyyətçi” adlı qiymətləndirmə şirkətinin verdiyi rəyində də 85m² sahənin 500 min manat, 70.7m² sahənin isə 450 min manat- səmi 155.7m² sahəni 950 min manata qiymətləndirərək (950 min:155.7m²=6101.5 manat), zirzəmi mərtəbəsindəki sözügedən sahənin 1m²-nin dəyərinin 6101,5 olduğu barədə rəy olmuşdur.

Ən maraqlısı, həmin qiymətləndirmə rəyləri Bakı Apellyasiya Məhkəməsinin 21.07.2016-cı il tarixli (iş №2(103)-3776-/2016 saylı) qətnaməsi ilə təsdiq edilmişdir… Amma qarşı tərəf bu qətnamədən kassasiya şikayəti verməli olmuşdur.

Kassasiya şikayətinə baxış zamanı Ali Məhkəmə 10 dekabr 2016-cı il tarixli (iş №2(102)-5909/16) saylı qərarı ilə həmin qiymətləndirmə ilə bağlı çıxarılan qətnaməni qüvvədə saxlamışdır. Bu artıq bütün mübahisələrə nöqtə qoymaq demək idi! Beləliklə, 85m² sahənin 1m²-nin hələ 2016-cı il tarixində 4271 manat və 6101.5 manat orta hesabla (4271+6101.5)=10372,5= 5186,25 manat olması Ali Məhkəmənin qərarı ilə bir daha təsdiqini tapmış olur!

Hakim Fuad Talışınski Azərbaycan MPM-nin tələblərini kobud surətdə necə pozmuşdur???

…Onu da xatırladaq ki, qüvvəsini almış bu qərardan sonra onun mübahisəsinə ehtiyac olmadığı halda, üstəlik, Ali Məhkəmənin 10 dekabr 2016-cı il tarixli (iş №2(102)-5909/16) saylı qərarı iş materiallarına əlavə edilsə də, hakim Fuad Talışınski Azərbaycan MPM-nin tələblərini kobud surətdə pozaraq 12 oktyabr 2022-ci il tarixində təkrar qiymətləndirmə aparılması ilə bağlı qanunsuz qərardad qəbul edir. Bu həm də hakimin qanunlara hörmətsizliyi, ədalət mühakiməsinə inamsızlıq yaratması demək idi!

Bundan sonra görün nə baş vermişdir: hakim Talışınskinin bu dəfə təyin etdiyi iki qiymətləndirmə şirkətindən biri maraqlıdır ki, eyni zamanda təsadüfən 2016-cı ildə olan «Əmlak Ekspertiza Mərkəzi» olmuşdur… Və nəticədə bu dəfə verilən rəy deyil, adi bir vərəqlik qiymətləndirmə arayışı olmaqla (sözügüdən 85m² sahənin 1m^2-nin 2016-cı ildə 4271 manat göstərdiyi halda), 6 il sonra-2022-ci ilin oktyabr tarixinə orta bazar qiymətinə zidd olaraq yenə də anoloji metodla hesablanır, vur-tut 1600 manat olduğu göstərilir, nəticədə, 6101.5 :1600=3,8 dəfə az qiymətləndirmə aparılır!

Yaxşı, hakimin özgə əmlakını bu cür hədəf seçməsi nədən qaynaqlanır? Təkrar edirik, qiymətləndirmə 6 il əvvəlki dəyərindən 3,8 dəfə aşagı göstərilir.

Bakı Apellyasiya Məhkəməsinin hakimi Fuad Talışınski qətnamə çıxararkən Ali Məhkəmənin 6 il əvvəl təsdiq etdiyi eyni qiymətləndirmə şirkətinin- ”Əmlak Ekspert Mərkəzinin” rəyi ilə anoloji metodla hesablanmış 1m²sahənin 4271 manat deyil, 6 il sonra 1 vərəqdən ibarət eyni ekspertin eyni anoloji metodla hesabladığı ekspert arayışına, eləcə də Əhmədova Könül Cabbar qızının mülkiyyətçiyə göndərdiyi 29.06.2022-ci il tarixli «Təklifi»nə(hansı ki, saxta olduğu təsdiqlənmiş və Nəsimi rayon Polis İdarəsində fakt üzrə Azərbaycan CM-nin 186.3, 320.1 və 320.2 maddələri ilə cinayət işi başlanmışdır, istintaq davam edir) və 16.10.2022-ci il tarixli müddəti ötürülmüş iddia ərizəsinə, qanunsuz “Mülahizələrinə” istinad edərək Bakı Apelliyasiya Məhkəməsinin 10.04.2023-cü il tarixli qətnaməsi ilə Əhmədova Könül Cabbar qızının tərəfindən verilmiş apelliyasiya şikayəti təmin edilmiş, Nəsimi rayon Məhkəməsinin qətnaməsində mülkiyətçilərə 85 kvm. sahənin özbaşına uçurulması ilə bağlı dəymiş 394 min 342 manat ziyanın ödənilməsi ləğv edilmişdir( Guya K.Əhmədova 70,7 kvm. sahə üçün alqı-satqı zamanı 328 min manat ödədiyi həmin məbləği həm də 85 kvm. sahə üçün də ödəyib-cəmi 155,7 kvm. üçün ödədiyini əsas tutaraq, hansı ki, Ali Məhkəmənin yuxarıda qeyd etdiyimiz qərarında həmin sahənin orta qiyməti 5186,25 manat dəyərləndirilmiş və tam hüquqi qiymətini almışdır…

QEYD: hakim Fuad Talışınski daha bir özbaşınalıq edərək çıxardığı qətnamənin əsaslandırıcı hissəsində bildirir ki, guya Ali Məhkəmənin 10 dekabr 2016-cı il tarixli (iş №2(102)-5909/16) saylı qərarı ilə təsdiq edilmiş 85 kvm. sahənin qiymətləndirilməsinin hərracla bağlı olduğunu qeyd edir. Halbuki Ali Məhkəmənin qeyd edilən qərarında məhz təyinatı göstərilməklə və qiymətləndiricinin adı belə xüsusi göstərilməklə(«Əmlak Espertiza Mərkəzi») təsdiqini tapmışdır. Hansı bu qiymətləndiricilərin birini elə həmin dövrdə Bakı Apellyasiya Məhkəməsinin məruzəçi hakim Fuad Talışınskinin qərarına uyğun seçilmiş «Əmlak Espertiza Mərkəzi» olmuşdur. Mülkiyyətçilər hakimin şəxsi maraq zəminində qəbul etdiyi ədalətsiz, natamam, qərəzli, ziddiyyətlərlə dolu qanunsuz qətnaməsindən bu dəfə kassasiya şikayəti verirlər. Kassasiya baxışı zamanı işə baxan Kollegiyanın sədri hakim Elşanə Vəliyeva isə lap ağını çıxarır: heç bir araşdırma aparmadan 26 iyul 2023-cü il tarixində iş№(2(102)-3259-2023 ) saylı qərarla F.Taşılinskinin qərəzli qətnaməsini qüvvədə saxlayır.

Hazırda sabiq deputat Əsabil Qasımovun himayəsi və idarəsində olan «Azərtikinti-Şirkəti» MMC ilə bağlı istintaq hərəkətləri davam edir.

Yazı çapa gedərkən məlumat aldıq ki, artıq Əsabil Qasımov da istintaqa cəlb edilib…

(Hələ də Milli Məclisin saytında adı deputat kimi keçir)

Qayıdırıq sabiq deputat Əsabil Qasımovun himayəsində olan «Azərtikinti-şirkəti» MMC-nin məhkəmələrlə iş birliyinə: hüquqları kobud surətdə pozulmuş mülkiyyətçilər bu dəfə 85 m² obyektin özbaşına uçurulması ilə bağlı polis və prokurorluq orqanlarına da şikayət etmişdir. Belə ki, Nəsimi rayon Polis İdarəsində aparılan istintaq araşdırmaları zamanı Könül Əhmədova ifadəsində bildirmişdir ki, onun adından mülkiyyətçilərə göndərilən “Təklif” və imza ona məxsus deyildir. Həmçinin təhqiqat zamanı Könül Əhmədovadan götürülən imza nümunələri üzrə xüsusi xəttşunaslıq ekspertizası təyin edilmiş, sübut olunmuşdur ki, həqiqətən də ”Təklifdəki” imza Əhmədova Könül Cabbar qızına məxsus deyildir, bu ekspert rəyi ilə də təsdiq edilmişdir.

Ən nəhayət, 04 avqust 2026-cı il tarixində Baş Prokuror Kamran Əliyev Nəsimi rayon Prokrorluğunda vətəndaş qəbulunda olarkən zərərçəkmiş-mülkiyyətçilər bu iş üzrə ərizə ilə müraciət etmiş, qəbul zamanı Baş prokuror Nəsimi rayon prokuroruna 85 m² sahənin özbaşına söküntüsü ilə bağlı obyektiv araşdırma aparılması tapşırığını vermişdir.

Nəsimi rayon Prokurorluğunda isə işi obyektiv araşdıraraq, faktla bağlı AR CM-nin 186.3 və 320.1 və 320.2 maddələri ilə 85 m² sahənin özbaşına uçurulması epizodu üzrə № 260070465 saylı cinayət işi başlanmış, hazırda istintaq davam etdirilir.

Hesab edirik ki, Əsabil Qasımov da Azərbaycan CM-nin üç maddəsi ilə istintaq edilən iş üzrə cavabdeh qismində cəlb ediləcək…("Tezadlar")

(Davamı var)