Hadisə - Yenixeberorg.biz - Oxu, xəbərin olsun

Məktəb direktorunun maşını yandırılıb -

Admin — Mon, 12 Oct 2026 15:09:14 +0400

Qaradağ rayonunda orta məktəb direktorlarından birinin maşını yandırılıb.

Yenixeberorg.az: Yaxınlıqda uşaqlar da olub. Xoşbəxtlikdən xəsarət alan olmayıb.

Bu fakt bir daha onu nümayiş etdirir ki, xarici qüvvələrin təhriki ilə Azərbaycanın dünyəvi dövlət modelinə hücum edən təxribatçılarla bağlı ciddi tədbirlər görülməlidir.(apa)

Masazırda 4 avtomobil yanıb

Admin — Sat, 10 Oct 2026 09:49:20 +0400

Abşeron rayonunun Masazır qəsəbəsində dörd avtomobil yanıb.

Yenixeberorg.biz-in məlumatına görə, hadisə Yeni Bakı yaşayış massivində qeydə alınıb.

Əraziyə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikaları cəlb olunub.

Yanğın qısa müddətdə söndürülüb.

Hadisənin başvermə səbəbi və digər təfərrüatlar dəqiqləşdirilir.

Goranboyda tibb bacısı bıçaqlandı

Admin — Fri, 09 Oct 2026 16:40:36 +0400

Goranboyda 51 yaşlı qadın bıçaq xəsarəti ilə xəstəxanaya yerləşdirilib.

Yenixeberorg.biz: Rayon sakini S.Ə. döş qəfəsinin kəsilmiş yarası diaqnozu ilə xəstəxanaya yerləşdirilib.

Qadına dərhal tibbi yardım göstərilib. Hazırda vəziyyəti ağır qiymətləndirilir.

Qeyd edək ki, xəsarət alan S.Ə. Goranboy Rayon Mərkəzi Xəstəxanasında tibb bacısı işləyir. Onun hansı səbəbdən xəsarət aldığı hələlik məlum deyil.

Faktla bağlı araşdırma aparılır.

Cəbrayılda mina partlayıb -

Admin — Thu, 08 Oct 2026 16:47:11 +0400

İşğaldan azad edilmiş Cəbrayıl rayonu Dağmaşanlı kəndi ərazisində 8 oktyabr tarixində mina partlayışı hadisəsi baş verib.

Yenixeberorg.biz xəbər verir ki, bu barədə Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) Mətbuat xidmətlərinin məlumatında bildirilib.

Məlumata görə, 2000-ci il təvəllüdlü Cəbrayıl rayon sakini Qəhrəmanov Orxan Əşrəf oğlu minalardan təmizlənməmiş ərazidə mal-qara otararkən piyada əleyhinə minaya düşüb. Hadisə zamanı Qəhrəmanov Orxan müxtəlif dərəcəli bədən xəsarətləri alıb.

Faktla bağlı Cəbrayıl rayon prokurorluğunda araşdırma aparılır.

ANAMA, DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa, şübhəli əşyalara toxunmamağa, bələd olmadıqları ərazilərə daxil olmamağa, çəpərləmə fəaliyyəti aparılan ərazilərə müdaxilə etməməyə çağırır.

Renuar muzeyinin qarətinə görə altı nəfər saxlanılıb

Admin — Wed, 07 Oct 2026 20:26:11 +0400

Fransada impressionist rəssam Pyer-Ogüst Renuarın muzeyindən əsərlərin oğurlanması ilə bağlı altı nəfər saxlanılıb.

Yenixeberorg.biz: BFMTV telekanalının mənbəyə istinadən verdiyi məlumata görə, saxlanılan şəxslərdən ikisi muzeyin binasına daxil olmaqda və rəsm əsərlərini oğurlamaqda şübhəli bilinir.

Saxlanılmalar muzeyin yerləşdiyi Dənizkənarı Alplar departamentində, həmçinin Ero və Yura departamentlərində həyata keçirilib.

Qeyd edək ki, TF1 telekanalı sentyabrın 8-də səhər saatlarında iki nəfərin Fransanın cənubundakı Kan-sür-Mer kommunasında yerləşən Renuar muzeyinə daxil olduğunu bildirmişdi. Məlumata görə, onlar dörd rəsm əsərini çərçivələrindən kəsərək oğurlayıblar.

Qubada iki avtomobil toqquşub -

Admin — Wed, 07 Oct 2026 15:38:10 +0400

Quba-Xaçmaz avtomobil yolunun Zərdabi qəsəbəsindən keçən hissəsində ölümlə nəticələnən yol-nəqliyyat hadisəsi baş verib.

Yenixeberorg.biz-in məlumatına görə, "VAZ-2106" və "Toyota Prado" markalı minik avtomobilləri toqquşub.

Qəza nəticəsində bir nəfər aldığı müxtəlif dərəcəli bədən xəsarətlərindən hadisə yerində ölüb.

Faktla bağlı araşdırma aparılır.

Bakıda maşın ağaca çırpılıb, sürücü xəsarət alıb

Admin — Wed, 07 Oct 2026 09:57:44 +0400

Fövqəladə Hallar Nazirliyinin “112” qaynar telefon xəttinə paytaxtın Xəzər rayonu, Mərdəkan qəsəbəsində yol-nəqliyyat qəzasının baş verməsi və vətəndaşın avtomobildə sıxılı vəziyyətdə qalması barədə məlumat daxil olub.

Yenixeberorg.biz: Bu barədə FHN-nin mətbuat xidməti məlumat yayıb.

Bildirilib ki, məlumatla əlaqədar dərhal əraziyə FHN-in Xüsusi Riskli Xilasetmə Xidmətinin xilasediciləri cəlb edilib.

Hadisə yerində əməliyyat şəraiti qiymətləndirilərkən "Lada Granta" markalı minik avtomobili və “Daewoo” markalı avtobusun iştirakı ilə yol-qəza hadisəsinin baş verdiyi və "Lada Granta" markalı minik avtomobilinin idarəetməni itirərək ağaca çırpılması nəticəsində vətəndaşın deformasiyaya uğramış avtomobildə sıxılı vəziyyətdə qaldığı müəyyən olunub.

Xilasedicilər xüsusi xilasetmə vasitələrinin köməyi ilə avtomobildə sıxılı vəziyyətdə qalan sürücü, 1985-ci il təvəllüdlü Qədimov Elçin Qədim oğlunu xilas edərək təcili tibbi yardım briqadasına təhvil veriblər.

Hadisə ilə əlaqədar müvafiq qurumlar tərəfindən araşdırma aparılır.

Qaxda yol qəzasında 1 nəfər ölüb -

Admin — Tue, 06 Oct 2026 09:33:41 +0400

Qaxda ağır yol qəzası olub.

Yenixeberorg.biz-in məlumatına görə, hadisə gecə saatlarında Qax şəhəri H.Əliyev prospektində qeydə alınıb.

Belə ki, Kənan Məmmədova məxsus "Oper Astra" markalı avtomobil idarəetmən çıxaraq yol kənarındakı işıq dirəyinə çırpılıb.

Qəza zamanı avtomobildə olan sərnişin, 2009-cu il təvəllüdlü Muxtarov Elcan Səbuhi oğlu ölüb.

Hadisə nəticəsində avtomobildə sıxılmış vəziyyətdə qalan sürücü xilasedicilər tərəfindən çıxarılaraq, Təcili Tibbi Yardım Xidmətinə təhvil verilib. Digər 3 sərnişin də müxtəlif xəsarətlərlə Qax Rayon Mərkəzi Xəstəxanasına yerləşdirilib.

Faktla bağlı araşdırma aparılır.

Bakıda məktəbli bıçaqlanıb

Admin — Mon, 05 Oct 2026 17:55:13 +0400

Bakının Nizami rayonunda məktəbli bıçaqlanıb.

Yenixeberorg.biz-in məlumatına görə, xəsarət alan şagird ölüb.

Hadisəni törətməkdə şübhəli bilinən yeniyetmə polis əməkdaşları tərəfindən müəyyən edilərək saxlanılıb.

Faktla bağlı cinayət işi açılıb, araşdırma aparılır.

Bir nəfər ölüm ayağındadır

Admin — Mon, 05 Oct 2026 16:14:45 +0400

Abşeron rayonu, Ceyranbatan qəsəbəsində “Şah Sarayı” şadlıq evinin qarşısında kütləvi dava düşüb.

Yenixeberorg.biz xəbər verir ki, hadisə oktyabrın 2-də gecə saatlarında qeydə alınıb.

Əldə etdiyimiz məlumata görə, dostlar arasında yaranan mübahisə davaya çevrilib. Dava zamanı Ceyhun adlı şəxs yıxılarkən başı daşa dəyib.

Ağır xəsarət alan şəxs Sumqayıt Tibb Mərkəzinin Təcili Tibbi Yardım Xəstəxanasının Travmatologiya şöbəsinə yerləşdirilib.

Məlumata görə, hazırda onun koma vəziyyətində olduğu bildirilir.