AZ
RU
Xarkova zərbə:Azərbaycanlı heykəltaraşın emalatxanası dağıldı
Bir neçə gün öncə Ukraynanın Xarkov şəhərinə endirilən dron zərbələri zamanı Ukraynanın Xalq rəssamı, Xarkov şəhərinin “Fəxri vətəndaşı”, soydaşımız Katib Məmmədovun emalatxanasına ciddi ziyan dəyib.
Yenixeberorg.com: Bu barədə Katib Məmmədovun özü məlumat verib.
Heykəltaraşın sözlərinə görə, dron zərbəsindən sonra təxminən 200 kvadratmetr ərazini əhatə edən yanğın baş verib. Hücum nəticəsində binanın damı, çardağı və orada saxlanılan əsərlər zədələnib. Emalatxanada sənətkarın 40 illik yaradıcılıq fəaliyyəti ərzində klassik, avanqard və minimalizm üslublarında yaratdığı yüzlərlə əsər yer alırdı.
Katib Məmmədov baş verən hadisə nəticəsində emalatxanaya təxminən 100 min dollar həcmində maddi ziyan dəydiyini vurğulayıb.(Azertac)
