AZ
RU
Pentaqon istədi, Tramp razılıq verdi:Hərbi kompleks...
ABŞ Prezidenti Donald Tramp Vaşinqtonda tikilməsi planlaşdırılan Zəfər tağının qabaqcıl hərbi kompleksə çevrilməsini tapşırıb.
Yenixeberorg.biz: O, bu barədə “Truth Social” sosial şəbəkəsindəki səhifəsində yazıb.
“Vaşinqtonda tikilən möhtəşəm Zəfər tağının dronların, snayperlərin yerləşdirilməsi, saxlanılması və operativ istifadəsi, həmçinin böyük həcmdə snayper sursatının saxlanılması üçün nəzərdə tutulan yüksək səviyyəli hərbi kompleksə çevrilməsinə razılıq verdim”, –Tramp bildirib.
Onun sözlərinə görə, bu qərarı Pentaqonun müraciəti əsasında və milli təhlükəsizliyin təmin edilməsi məqsədilə qəbul edib.
Qeyd edək ki, iyul ayında ABŞ-ın Milli Paytaxt Planlaşdırma Komissiyası (NCPC) Trampın təklif etdiyi Vaşinqtonda 76 metr hündürlüyündə Zəfər tağının tikintisi planını ilkin olaraq təsdiqləyib.
ABŞ İncəsənət Komissiyasının rəhbəri Rodni Kuk bildirib ki, tikintinin Trampın prezidentlik müddəti başa çatana, yəni 2029-cu ilin yanvarına qədər tamamlanması planlaşdırılır.
