Yenixeber.org:  Bu barədə Yaponiyanın “The Nihon Keizai Shimbun“ (The Nikkei) nəşri yazıb.

Nəşrin yazdığına görə, Blinken səfər zamanı Çin hökumətini ölkələrin hərbi rəhbərliyi arasında dialoqun bərpasına razılaşdıra bilməyib.

Nəşrin yazdığına görə, 19 iyunda təşkil edilən görüşdə iştirakçıların yerləşdirilməsi Çin liderinin malik olduğu gücü nümayiş etdirmək məqsədi daşıyırdı.

Belə ki, Çin Sədri Si Cinpin oval masanın başında, Çin və ABŞ nümayəndə heyətlərinin üzvləri isə onun sağ və sol tərəfində yerləşdirilmişdi.

Həmçinin o da əlavə olunub ki, ABŞ dövlət katiblərinin Pekinə əvvəlki səfərləri zamanı iclas iştirakçılarının yerləşdirilməsi tamamilə fərqli idi. Məsələn 2018-ci ildə baş tutan görüş zamanı ABŞ-ın sabiq dövlət katibi Maykl Pompeo və Cinpin yan-yana əyləşmişdi.

Nəşr onu da xatırladıb ki, 16 iyunda “Microsoft” proqram təminatı şirkətinin qurucusu, milyarder Bill Qeytslə Çin Sədri Cinpinin görüşü zamanı masa arxasında yerləşmə Blinkenlə təşkil olunan görüşdəki kimi olub.