AZ
RU
ASAPES-də 31 Mart - Azərbaycanlıların Soyqırımı Günü ilə əlaqədar tədbir keçirilib -FOTOLAR
Yenixeber.org: Azərbaycan Dövlət Bədən Tərbiyəsi və İdman Akademiyasının (ASAPES) Elmi İnnovasiyalar Mərkəzində Tələbə-gənclərlə iş və ictimaiyyətlə əlaqələr üzrə prorektor Almaz Ələkbərova, Tədris işləri üzrə prorektor Rafail Novruzov, elmi katib, Elmi İnnovasiyalar Mərkəzinin direktoru Bəxtiyar Rüstəmov, Tədris hissəsinin müdiri Nazim Abbasov, professor-müəllim və inzibati heyət, həmçinin “İdman tibbi və menecment” və “Fiziki tərbiyə və çağırışaqədərki hazırlıq” fakültələrinin tələbələrinin iştirakı ilə 31 Mart - Azərbaycanlıların Soyqırımı Gününə həsr olunmuş dəyirmi masa keçirilib.Heydər Əliyev Mərkəzində Bəxtiyar Rüstəmovun giriş sözü ilə çıxışından sonra tarix üzrə fəlsəfə doktoru Taleh Cəfərov ermənilərin tarix boyu təcavüzkar siyasəti, zaman-zaman xalqımıza qarşı törətdikləri soyqırım aktları, Bakı və Gəncə quberniyalarında, Quba, Xaçmaz, Şamaxı, Lənkəran, Muğan qəzalarında və digər bölgələrdə ermənilər tərəfindən törədilən vəhşiliklər, 1918-ci ilin qanlı mart hadisələri haqqında geniş məlumat verib. Dəyirmi masa iştirakçılarının tarixi faktlarla bağlı disskusiyalarının ardınca faciədən bəhs edən “31 Mart soyqırımı” adlı film və kitab sərgisi nümayiş olunub.
_10638697321.jpg)
