AZ
RU
"Bu noyabr həlledici olacaq"
ABŞ-ın vitse-prezidenti Cey Di Vens noyabrda keçiriləcək aralıq seçkilərin ölkə üçün həlledici əhəmiyyət daşıdığını bildirib.
Yenixeberorg.biz: Vens seçkilərlə bağlı açıqlamasında ABŞ-da siyasi mübarizənin ölkənin gələcəyi ilə bağlı fərqli baxışlar arasında getdiyini deyib.
“Bu aralıq seçkilər ölkənin gələcəyinin olmasını istəyənlərlə onu dağıdıb, sonra sıfırdan yenidən qurmağa üstünlük verənlər arasında qarşıdurmadır”, – vitse-prezident bildirib.
Vens noyabr seçkilərinin nəticələrinin xüsusi əhəmiyyət daşıdığını vurğulayıb:
“Bu noyabr həlledici olacaq. Ya siz bu çılğınlığa qarşı çıxacaqsınız, ya da onun tərəfində dayanacaqsınız. Biz isə buna qarşı dayanacaq və mübarizə aparacağıq”.
Qeyd edək ki, ABŞ-da aralıq seçkilər 3 noyabr 2026-cı ildə keçiriləcək. Seçkilər ərəfəsində Vens Respublikaçı namizədlərin kampaniya tədbirlərində fəal iştirak edir və seçkiləri Donald Tramp administrasiyasının siyasi gündəliyinin davam etdirilməsi baxımından mühüm hadisə kimi təqdim edir.
