AZ
RU
“Cavab tədbirləri son dərəcə sərt olacaq” –Binəli Yıldırım
Biz Niderland hakimiyyətinin hərəkətlərinə qəti etiraz edirik
Yenixeber.org: Türkiyənin baş naziri Binəli Yıldırım ölkənin ailə və sosial siyasət naziri Fatma Bətul Sayan Kayanın Rotterdamdakı türk Baş konsulluğu ərazisinə buraxılmasına imkan verməyən Niderland hakimiyyətinin hərəkətlərini pisləyib.
“Anadolu”ya istinadən xəbərə görə, o, Ankaranın cavab tədbirlərinin son dərəcə sərt olacağını bildirib.
“Biz Niderland hakimiyyətinin hərəkətlərinə qətiyyətlə etiraz edirik. Ankaranın cavab tədbirləri son dərəcə sərt olacaq. Türkiyəyə və diplomatik toxunulmazlığı olan nazirə təzyiq yolverilməzdir”, — deyə baş nazir bildirib.
Binəli Yıldırım Rotterdamdakı hadisəni “böyük siyasi qalmaqal” adlandırıb.
O qeyd edib ki, Ankaranın məsələni yoluna qoymaq səyləri nəticəsiz qalıb.
