“Prezident Administrasiyasında Gənclər siyasəti və idman məsələləri şöbəsinin yaradılması etimadın göstəricisidir. Biz də çalışıb, bu ümidi doğruldacağıq".

Yenixeber.org:  Bunu bu gün Prezident Administrasiyası Gənclər siyasəti və idman məsələləri şöbəsinin müdiri, birinci vitse-prezidentin köməkçisi Yusuf Məmmədəliyev Prezident yanında Gənclər Fondunun təşkilatçılığı ilə 15 İyun Milli Qurtuluş Gününə həsr edilmiş tədbirdə söyləyib.

 Y. Məmmədəliyev deyib ki, əsas məqsəd Azərbaycan torpaqlarının işğaldan azad edilməsidir: "Azərbaycan gəncliyinin cavanlığı onun zəif cəhəti yox, üstünlüyüdür. Gənclərimizin intellektual və yaradıcılıq qabiliyyətinin ortaya çıxarılması, həyata keçirilən layihələr bundan sonra da sürətlə davam etdiriləcək. Prezident və birinci vitse-prezidentin rəhbərliyi altında uğur qazanan məhz gənclər olacaq. Layiqli vətəndaş olmaq üçün Vətəninizi sevin, sağlamlığınızı qoruyun. Eyni zamanda səmərəli işdən sonra istirahət edin. Asudə istirahət daha səmərəli işə kömək edir".