AZ
RU
Təhlükəli bölgələrdə yaşamaq piylənmə riskini artırır -ARAŞDIRMA
Niderlandlı tədqiqatçılar yaşayış mühitinin insanların piylənməsinə təsir etdiyini aşkara çıxarıblar.
Yenixeber.org:Tədqiqat Niderlandın Rotterdam Universitetinin Tibb Mərkəzi tərəfindən aparılıb.
122 nəfər arasında 18 ay aparılan tədqiqat zamanı müəyyən edilib ki, təhlükəli mühitdə yaşayan insanlarda piylənmə riski daha yüksəkdir. Belə ki, özlərini yaşadığı küçədə təhlükəsiz hiss etməyən insanlar daha az çölə çıxır, buna görə də daha az fiziki fəaliyyətlə məşğul olurlar. Bu isə öz növbəsində piylənmə riskini artırır.
Həmçinin, yaşadığı bölgələrdə təhlükə səviyyəsinin yüksək olması insanlarda stresin artmasına səbəb olur, nəticə etibarilə insanlar qeyri-sağlam qidalanır və çəkiləri artır.
"Nəticələrimiz göstərir ki, əgər yaşadığınız yerdə özünüzü təhlükədə hiss edirsinizsə, bu, uğurlu arıqlama prosesinə nail olmaq şansınızı azalda bilər", - tədqiqatçılar bildirib.
