Lətifə İ. haqqında araşdırma aparılıb.

Yenixeber.org: Türkiyənin İstanbul şəhərində xəstəxana ətrafında dilənçilik edən bir qadın haqqında maraqlı faktlar aşkarlanıb.

AzNews.az Türkiyə mediasına istinadən xəbər verir ki, Sultanqazidə bələdiyyə məmurları vətəndaşların duyğularını istismar edərək haqsız qazanc əldə edən dilənçilərlə bağlı yoxlama aparıb.

Özəl xəstəxana ətrafında dilənçilik edən qadın haqqında tez-tez şikayət alan məmurlar həmin yerə gedib.

Sivil kimi xəstəxanaya gedən məmurlar yaşlı qadını dilənərkən tutub.

Üstündən 110 lirə çıxan Lətifə İ. haqqında araşdırma aparılarkən maraqlı faktlar ortalığa çıxıb.

Qadının üstündən çıxan bank hesabına aid sənədlərdə hesabında 43 min 539 lirə nəğd pulu, qollarında da təxminən 40 min lirə dəyərində çox sayda qızıl burma bilərzik olduğu görülüb.

Yaşlı qadının oğluna aid 3 mərtəbəli binada yaşadığı, maddi cəhətdən vəziyyətinin yaxşı olduğu məlum olub.

Bələdiyyə məmurları qadına pul cəzası verib, üstündən çıxan 110 lirəni isə müsadirə edib.