Bundan sonra təhsil haqları, imtahan üçün yığılan pullar Amerika valyutası ilə alınacaq 

"Xeberinfo.com":  Məlumata görə, Azərbaycanda manatın dəyərdən düşməsi və dolların məzənnəsinin artması bəzi özəl universitetləri də hərəkətə gətirib. JAM.AZ xəbər verir ki, bu hərəkətliliyə səbəb «ziyanla» işləməmək üçün önəyici tədbirlərin görülməsindən ibarətdir. Bu sırada ən «uyanıq» təhsil ocaqlarından biri olan Təfəkkür Universiteti artıq devalivasiyanın vurduğu zərəri aradan qaldırmağa başlayıb. 

Məlumatda deyilir ki, Təfəkkür Universiteti artıq tələbələrinə xəbərdarlıq edib ki, qarşıdakı imtahan sessiyasına ciddi hazırlaşsınlar. Çünki əvvəlki illərdən fərqli olaraq, imtahanlarda pullar dollarla alınacaq. Həmçinin imtahan qiymətləri ötən ilkindən fərqlənəcək. Yəni, artacaq. 

Bundan başqa, tələb olunan təhsil haqlarının da manatla ödənişinə icazə verilmədiyi vurğulanıb. Və bildirilib ki, bu proses də dollarla həyata keçiriləcək.

JAM.AZ-a daxil olan məlumatlarda o da vurğulanır ki, Təfəkkür Universitetinin rektoru Müşfiq Atakişiyev «tələbə köçürmələr»nə görə validyenlərdən aldığı manatlara görə, ziyana düşüb. Ona görə də, yeni mövsümdən etibarən prosesi dollarla aparmaq qərarına gəlib. 

Qarşı tərəfin də mövqeyini dərc etməyə hazırıq.