AZ
RU
Ərdoğan Putinin parad dəvətini rədd etdi
Türkiyə prezidenti Rəcəb Tayyib Ərdoğan Rusiya lideri Vladimir Putinin dəvətini qəbul etməyib.
"Xeberinfo.com": Ərdoğanın 9 may Qələbə bayram paradında iştirak etməyəcəyi artıq rəsmən təsdiqlənib. Bu cavab Kreml sarayına da çatdırılıb. Faşizm üzərində qələbənin 70 illiyinə həsr olunan paradda Türkiyəni bu ölkənin Moskvadakı səfiri Ümit Yardım təmsil edəcək.
Ekspertlərin fikrincə, Putin 1915-ci il hadisələrinin ildönümü ərəfəsində etdiyi çıxışa və İrəvandakı qondarma "erməni soyqırımı"nı anma tədbirinə qatıldığına görə Ərdoğan onun dəvətini qəbul etməyib.
Qeyd edək ki, Vladimir Putin Türkiyə prezidentini 9 may hərbi paradda iştirak etməyə bir ay yarım əvvəl dəvət etmişdi (ANS PRESS).
