AZ
RU
“NATO-nun addımları Rusiyanı narahat etməyə bilməz”
“NATO-nun strateji qüvvələr balansının dəyişdirilməsinə yönəlmiş addımları Rusiyanı narahat etməyə bilməz”.
"Xeberinfo.com": APA-nın “RİA Novosti”yə istinadən verdiyi məlumata görə, bunu Rusiya prezidentinin mətbuat katibi Dmitri Peskov bəyan edib.
O qeyd edib ki, Moskva təhlükəsizlik sahəsində kiminsə narahatlığına səbəb ola biləcək addımlar atmır.
“Prezident dünən izah etdi ki, Rusiya kiminsə sərhədlərinə yaxınlaşmır, əksinə NATO-nun hərbi infrastrukturu Rusiya sərhədlərinə yaxınlaşır. Eyni zamanda strateji qüvvələr balansının dəyişdirilməsinə yönəlik addımlar atılır. Əlbəttə ki, bu, Rusiyanı narahat etməyə bilməz. Bütün bunlar Rusiyanı öz maraqlarını və təhlükəsizliyini, habelə pariteti təmin etmək üçün tədbirlər görməyə məcbur edir”, - deyə o vurğulayıb.
