Fransa prezidenti Emmanuel Makronun Niderland səfəri rüsvayedici məqamlarla yadda qalıb.

Yenixeber.org: Makron Haaqada “Amare” mədəniyyət və konsert mərkəzində Avropanın gələcəyindən danışan zaman bir qrup fəal onun sözünü kəsib.

Fəallar Makronun sözlərinə “hansı demokraiyadan danışırsan, sənin ölkəndə milyonlarla insan küçələrə çıxıb” deyə reaksiya veriblər.Makron etirazçılara cavab verməyə çalışsa da, ona ünvanlanan sualların ardı-arası kəsilməyib.Aksiya iştirakçıları Makronu “zorakılıq və ikiüzlülük prezidenti” adlandırıblar. Fransada Makronun təklif etdiyi təqaüd islahatına qarşı ümumilli tətil və etiraz aksiyaları keçirilir.Sonuncu belə aksiyaya yüz minlərlə insan qatılıb. Aksiya zamanı fəallarla polis arasında qarşıdurmalar yaşanıb. Polisin aksiyanı dağıtmaq üçün həddən artıq güc tədbiq edib

.Qeyd edək ki, təqaüd islahatı haqqında qanun layihəsi parlamentdə səsverməyə çıxarılmadan qəbul edilib. Sənəddə təqaüd yaşının 62-dən 64-ə qaldırılması nəzərdə tutulur.Makron tətil və nümayişlərə baxmayaraq qanunun il sonunadək qüvvəyə minəcəyini açıqlayıb.