AZ
RU
Türkiyə İŞİD-ə ilk dəfə havadan zərbə endirdi
Türkiyə və koalisiya qüvvələrinə aid təyyarələr Suriyada İŞİD terror təşkilatının hədəflərini vurub.
"Xeberinfo.com": “Haber7” saytına istinadən xəbərə görə, bu barədə Türkiyə Xarici İşlər Nazirliyindən bildirilib.
“Hərbi təyyarələrimiz dünən axşamdan etibarən koalisiyaya aid təyyarələrlə birlikdə İŞİD hədəflərinə qarşı hava əməliyyatları həyata keçirməyə başlayıb”, - açıqlamada deyilir.
Qeyd edək ki, İŞİD-ə qarşı birgə əməliyyatların həyata keçirilməsi barədə ABŞ və Türkiyə arasında texniki xarakterli sənəd 24 avqust 2015-ci tarixində imzalanıb.
