AZ
RU
KİV:İran ABŞ hərbçilərinə hücum etmək üçün Suriyaya silah göndərib
İran hakimiyyəti zəlzələdən sonra Amerika hərbçilərinə qarşı hücumlar həyata keçirmək üçün humanitar yardım çərçivəsində Suriyaya silah göndərib.
Yenixeber.org: Bu barədə ABŞ-dan sızdığı iddia edilən məxfi sənədlərə istinadla “The Washington Post“ məlumat yayıb.
Qeyd edilib ki, Tehran Suriyaya kiçik silahlar, döyüş sursatları və pilotsuz uçuş aparatları göndərib. Sənəddə deyilir ki, bu tədarüklər İraqı tərk edən konvoylar tərəfindən həyata keçirilib.
Nəşrin məlumatına görə, silahların tədarükü zəlzələdən bir gün sonra başlayıb. İraq tərəfi “The Washington Post“ qəzetinə bu məlumatları təkzib edib.
Pentaqondakı mənbə sənədlərin həqiqiliyini təsdiqləməkdən imtina edib, lakin onlarda təsvir edilən fəaliyyətlərin İslam İnqilabı Keşikçiləri Korpusunun keçmişdə etdiklərinə uyğun olduğunu iddia edib.
