AZ
RU
Zelenskinin “Avroviziya”da çıxışına icazə verilmədi
Avropa Yayım İttifaqı (EBU) Ukrayna prezidenti Volodimir Zelenskiyə "Avroviziya" mahnı müsabiqəsinin finalında videomüraciətlə çıxış etməyə icazə verməyib.
Yenixeber.org:Bu barədə "The Times" qəzeti məlumat yayıb.
100-dən çox yayımçını özündə birləşdirən qurum Zelenskinin çıxış etməsinin müsabiqəni siyasiləşdirə biləcəyini açıqlayıb.
“Avroviziya" Mahnı Müsabiqəsi yarandığı gündən müəyyən edilmiş ciddi qayda və prinsiplərə malik beynəlxalq əyləncə şousudur. Onun təməl daşlarından biri də hadisənin siyasətdən kənar olmasıdır. Bu prinsip müsabiqə zamanı siyasi və ya digər bəyanatları qadağan edir. Zelenskinin tələbi təmin edilə bilməz, çünki bu, qaydalara zidd ola bilər”, - təşkilatın rəsmi nümayəndəsi deyib.
Qeyd edək ki, "Avroviziya"nın final mərhələsi mayın 13-də Liverpolda keçiriləcək. Bu mərhələdə 16 ölkənin təmsilçisi çıxış edəcək.
