AZ
RU
Almaniyada nağd ödənişlərə limit qoyula bilər
Almaniya hökuməti nağd pul vəsaitləri ilə əməliyyatların məhdudlaşdırılması məsələsinə baxır.
Xeberinfo.com: "Frankfurter Allgemeine Zeitung" qəzeti yazır ki, Almaniya Maliyyə Nazirliyinin təklifinə əsasən, bununla bağlı limit 5 min avro dərəcəsində tətbiq oluna bilər. Qeyd olunan limitdən artıq vəsait banklar vasitəsilə ödəniləcək.
Bu qərarın səbəblərini izah edən qəzet yazır ki, əsas məqsəd beynəlxalq terrorizmlə mübarizədir. Belə ki, cinayətkarların nağd hesablaşmasını izləmək çətindir.
Planı dəstəkləyənlər sırasında Almaniyanın Saar və Şimali Reyn-Vestfaliya torpaqlarının federal hökumətləri də var.
Almaniyanın Sosial Demokratlar Partiyası da bu təşəbbüsün lehinədir. Partiya hesab edir ki, insanların 5 min avrodan yuxarı nağd ödəniş etmək üçün "aydın və qanuni" səbəbləri yoxdur.
