AZ
RU
Rusiya Xəzərdə şərti terrorçulara qarşı mübarizə apardı
Rusiyanın Xəzər donanması Həştərxan, Mahaçqala və Kaspiysk şəhərlərində terrorçuluqla mübarizə üzrə təlimlər keçirib.
Xeberinfo.com: Bu xəbəri «RİA Novosti» agentliyinə Rusiya Hərbi Qüvvələrinin Cənub hərbi dairəsinin mətbuat xidmətindən veriblər.
Məlumatda qeyd olunur ki, təlimlərə 300-dən çox hərbi qulluqçu, 20-yə yaxın hərbi gəmi, kater və təchizat gəmisi, həmçinin Xəzər donanmasının 10 vahidə yaxın silah və hərbi texnikası cəlb olunub.
Təlimin şərtlərinə uyğun olaraq, terrorçular hərbi hissənin nəqliyyat vasitəsini ələ keçirərək nəzarət-buraxılış məntəqəsindən (NBM) hərbi şəhərciyin ərazisinə daxil olmaq istəyirlər. NBM-in şəxsi heyəti müdafiə mövqeyi tutaraq, yaraqlıları hərbi hissəyə buraxmır və həyəcan siqnalı ilə terror əleyhinə taktiki qrup ayağa qaldırılır. Onlar terrorçuları mühasirəyə alır və məhv edirlər.
