AZ
RU
Nyu-Yorkda erməni təxribatlarına etiraz
Son günlər Ermənistan ordusunun cəbhə xəttində törətdiyi hərbi təxribatlara etiraz etmək məqsədilə BMT-nin Nyu-Yorkdakı mənzil-qərargahı qarşısında aksiya keçirilib.
Xeberinfo.com: Nyu-York Assosiasiyasının təşkilatçılığı ilə baş tutan aksiyada Azərbaycan və türk icmalarının nümayəndələri iştirak ediblər. Onlar “Qarabağ bizimdir, bizim olacaq”, “Qarabağa ədalət!”, “Vətən, biz səninləyik!”, “Ermənistan işğalçıdır” şüarlarını səsləndiriblər. Aksiyada çıxış edənlər aprel 1-5-də Ermənistan silahlı qüvvələri tərəfindən atəşkəs rejiminin pozulmasını və dinc əhalinin qətlə yetirilməsini pisləyib, işğalçı Ermənistandan təcavüzkarlıq siyasətindən əl çəkməyi tələb ediblər.
Etiraz aksiyası ilə eyni vaxtda BMT-nin Nyu-Yorkdakı mənzil- qərargahı qarşısında erməni lobbisinin nümayəndələri tərəfindən müdaxiləyə cəhd edilsə də, nəticəsiz qalıb və aksiya dinc şəraitdə başa çatıb/ Azərtac.az/.
