AZ
RU
Ərdoğan Quran oxudu - Şəhidlər üçün
Türkiyə prezidenti Rəcəb Tayyib Ərdoğan Quran oxudu. Dövlət başçısı 2 günlük proqramla ölkənin şərqinə - Rizəyə səfər edib.
Xeberinfo.com: Türkiyə mətbuatına istinadən məlumata görə, Ərdoğan cümə namazından öncə helikopterlə Trabzona, oradan isə Rizəyə gedib.
Trabzon hava limanında onu gözləyən xalqa xitab edib. Rizə hava limanına helikopteri enər-enməz isə prezident məscidə gedib.
Çoşğulu qarşılama mərasimindən sonra cümə namazından öncə şəhidləri anma mərasimi keçirilib. Mövludda prezident özü də Qurani Kərimdən bir surə oxuyub. O, avazla Əli-İmran surəsini səsləndirib.
Ərdoğanın Quran oxumasını dinləmək üçün məscidə yüzlərlə insan gəlib. Onların bəziləri prezidentin avazı qarşısında göz yaşlarını saxlaya bilməyiblər.
