AZ
RU
“Türkiyə silahlı münaqişələrin nizamlanmasında vasitəçi kimi çıxış edir”
Dünya birliyi silahlı münaqişələrin yaranmasının qarşısını almalıdır.
Xeberinfo.com: “TRT Haber” telekanalına istinadən məlumata görə, bunu Türkiyə Prezidenti Rəcəb Tayyib Ərdoğan İstanbulda I Ümumdünya Humanitar Sammitinin açılışında çıxış edərkən deyib.
Onun sözlərinə görə, dünya birliyi, həmçinin bu münaqişələrin nizamlanması üzrə fəal səylər göstərməlidir.
Prezident qeyd edib ki, Türkiyə silahlı münaqişələrin nizamlanmasında vasitəçi kimi çıxış edir.
R.T.Ərdoğan ümid etdiyini bildirib ki, Ümumdünya Humanitar Sammiti humanitar böhranın nizamlanmasına vacib töhfə verəcək.
O əlavə edib ki, Türkiyə Suriya qaçqınlarına fəal kömək edən ölkələrdən biridir: “Türkiyə suriyalı qaçqınların saxlanılmasına 10 milyard dollar xərcləyib, ölkədəki suriyalı qaçqınların sayı 3 milyon nəfərdir. Dünya birliyi isə suriyalı qaçqınların saxlanılmasına 455 milyon dollar ayırıb”.
