AZ
RU
47 nəfər həbs olundu - Ermənistanda gərginlik
Ermənistan Milli Təhlükəsizik Xidməti (MTX) İrəvanda polis binasının tutulması ilə bağlı açılan cinayət işi çərçivəsində aparılan araşdırmalar zamanı 47 nəfəri saxlayıb.
Xeberinfo.com: Bu barədə Ermənistan MTX-nın yaydığı məlumatda bildirilir.
Saxlanılan şəxslərdən 24-nə “Girov götürmə”, “Binanın dağıdılması və ona zərər vurulması ilə bağlı həmin obyektin tutulması” və “Qeyri-qanuni silah alma, saxlama, daşınma və üzərində odlu silahın gəzdirilməsi maddələri üzrə ittiham irəli sürülüb.
Qeyd edək ki, ötən gün Ermənistan Polisinin Patrul-mühafizə alayının Erebuni rayonunda yerləşən binasını zəbt edən silahlı qrup hökumətə təslim olub.
“Antiterror əməliyyatı başa çatıb. 20 terrorçu saxlanılıb. Patrul-mühafizə alayının binası tam təmizlənib”, Ermənistan Milli Təhlükəsizlik Xidməti açıqlamada bildirilir.
Xatırladaq ki, silahlı qrup Ermənistan Polisinin Patrul-mühafizə polkunun Erebuni rayonunda yerləşən binasını iyulun 17-dən zəbt edib.
