AZ
RU
Türk admiral çevrilişə cəhddən sonra ABŞ-dan sığınacaq istəyir
Yüksək rütbəli türk hərbçisinin çevrilişə cəhdlə əlaqəsinin olduğu bildirildikdən sonra o, ABŞ-da sığınacaq üçün müraciət edib.
Xeberinfo.com: Mustafa Uğurlu 15 iyul çevrilişə cəhd zamanı Virginia-dakı NATO bazasında olub.
Türkiyə, ABŞ-da yaşayan din xadimi Fethullah Gülen hərəkatına bağlı olmaqda ittiham edilən təxminən 100 generalı ordu sıralarından uzaqlaşdırıb.
Admiral Uğurlu 22 iyulda, çevriliş cəhdindən bir həftə sonra yoxa çıxıb.
ABŞ rəsmiləri Reuters xəbər agentliyinə bildirblər ki, adı açıqlanmayan admiral sığınacaq axtarır. Daha sonra Anadolu agentliyi onun adının Mustafa Uğurlu olduğunu bildirib.
Türkiyə, çevrilişə cəhdin arxasında dayanmaqda ittiham etdiyi Fethullah Gülenin ABŞ-dan ekstradisiya olunmasını istəyir.
Gülen bütün ittihamları rədd edir.
İki ABŞ rəsmisinin Reuters xəbər agentliyinə bildirdiyinə görə, admiral Nato-nun Virginia-dakı Müttəfiq Transformasiya Komandanlığı qərargahında işləyib.
