AZ
RU
Ərdoğan dünyanın iki əsas problemini açıqladı
G20 zirvəsi üçün Çinə səfər edən Türkiyə Prezidenti Rəcəb Tayyib Ərdoğan liderlərin dünyanı narahat edən iki əsas problemi müzakirə edəcəyini açıqlayıb.
Xeberinfo.com: Məlumata görə , Çin Mərkəzi Televiziyasına (CCTV) müsahibə verən prezident bəzi ölkələrin qlobal problemlərin həllinə maraq göstərmədiyini deyib:
“Beynəlxalq sabitliyi təhdid edən ünsürlər hazırda bizim əsas problemimizdir. Bunun biri terror, digəri isə miqrant böhranıdır.
Bəzi ölkələrin strateji marağı var, hələ də buna görə əziyyət çəkirlər. Terrorçunun yaxşısı, pisi olmaz, bütün terrorçular pisdir. Mübarizə qlobal miqyasda aparılmalıdır. Terrorizmin içində yer alan bütün təşkilatlar lənətlidir. Biz hadisələrə baxırıq və mübarizəmizi də bu şəkildə qururuq”.
