AZ
RU
Böyük Britaniya Ankaradakı səfirliyini bağladı
Böyük Britaniyanın Ankaradakı səfirliyi təhlükəsizlik baxımından bu gün fəaliyyət göstərməyəcək.
Xeberinfo.com: “RİA Novosti”yə istinadən xəbərə görə, bu barədə səfirliyin “Twitter” səhifəsində dərc olunmuş məlumatda bildirilir. Digər təfərrüatlar açıqlanmır.
Qeyd edək ki, Böyük Britaniyanın Ankaradakı səfirliyi Türkiyədə Qurban bayramı günlərində (12-15 sentyabr) işini dayandırmış əksər səfirliklər kimi sentyabrın 16-da fəaliyyətini bərpa etməli idi.
Bundan əvvəl mətbuatda Almaniyanın Türkiyədəki diplomatik nümayəndəliklərinin təhlükəsizlik baxımından həftənin sonunadək fəaliyyətini dayandıracağı barədə məlumat yayılıb.
