AZ
RU
NATO Ukraynaya silah göndərməyə başladı
Ukraynanın müdafiə naziri: “NATO artıq bizə silah göndərir”
"Xeberinfo.com": NATO ölkələri artıq Ukraynaya silah-sursat göndərir. Lent.az-ın APA-ya istinadən verdiyi xəbərə görə, bu barədə Ukrayna müdafiə naziri Valeriy Geletey yerli “Pyatıy kanal” telekanalına müsahibəsində bildirib.
Qurumun rəhbəri bildirib ki, o, bu günlərdə NATO-nun Uelsdə keçirilmiş sammitində prezident Pyotr Poroşenkonu müşayiət edib. Valeriy Geletey qapalı formatda dünyanın aparıcı ölkələrinin müdafiə nazirləri ilə Ukraynaya silah tədarükü məsələsini müzakirə etdiyini qeyd edib: “Tədarük prosesi artıq başlayıb”, deyə nazir əlavə edib.
Bundan əvvəl Poroşenko da Kiyevin NATO ölkələri ilə birbaşa silah tədarükünə dair razılığa gəldiyini bəyan edib.
