AZ
RU
Separatçılar Kikabidzeni ölümlə hədələdilər
Tanınmış gürcü aktyoru Vaxtanq Kikabidze bu yaxınlarda ona “Donetsk Xalq Respublikası”ndan (DXR) zəng edildiyini və güllələnəcəyinin bildirildiyini söyləyib.
"Xeberinfo.com":Gürcü informasiya qaynağına istinadən,bu barədə aktyor “Svetskaya jizn” (“Dünyəvi həyat”) proqramında çıxışı zamanı danışıb.
“Bu yaxınlarda mənə zəng eləmişdilər: “Mən eşidirəm!” – “Bu, Vaxtanqdır?” – “Bəli” – “Biz DXR-dən zəng edirik”. Mən gülməyə başladım, çünki mənimçün gözlənilməz idi. Dedim: “Nə olsun ki?” – “Biz sizi güllələcəyik”. Bundan sonra onlara nə söylədiyimi burda, kadrda təkrarlaya bilmərəm. Bu, çox gülməli görünür” – deyib Kikabidze.
Xatırladaq ki, Vaxtanq Kikabidze Rusiyaya çəkilişlərə getmir və prezident Putinə heç cür Gürcüstana müdaxiləni bağışlaya bilmir. Eyni zamanda ukraynalıları müdafiə edir.
