AZ
RU
BMT İranı edamları dayandırmağa çağırır
BMT komitəsi yeni qətnaməsində İranda insan haqlarının pozulmasından, ölüm cəzasının “getdikcə daha çox tətbiqindən” dərin narahatlıq bildirib.
"Xeberinfo.com": BMT Baş Assambleyasının insan haqları komitəsi həmin qətnaməni noyabrın 18-də verib. Üzv ölkələrdən 78-i lehinə, 35-i əleyhinə səs verib, 69-u bitərəf qalıb.
Kanadanın hazırladığı qətnamə İranı edamları, işgəncəni dayandırmağa çağırır. Bu sənəddən əvvəl BMT-nin insan haqları üzrə xüsusi tədqiqatçısı hesabat hazırlayıb və qeyd edib ki, İran onun səfərinə imkan verməyib.
İran təmsilçisi qətnaməyə qarşı çıxıb, onun prezident Hassan Rohani vəzifəyə gələndən sonra “müsbət dəyişikliklər”i nəzərə almadığını vurğulayıb.
Qətnamə Baş Assambleyada qəbul olunmalıdır.
