AZ
RU
“Avropa PKK-nı leqallaşdırmağa çalışır”
Avropa PKK terror təşkilatını leqallaşdırmağa çalışır.
"Xeberinfo.com": SalamNews-un “Anadolu” agentliyinə istinadla verdiyi xəbərə görə, bunu Türkiyə prezidenti Rəcəb Tayyib Ərdoğan XVIII Beynəlxalq Biznes Forumu Konqresinin yekun iclasında bəyan edib: “İŞİD-lə PKK arasında heç bir fərq yoxdur. O halda, Avropa ölkələri PKK-nı qanuniləşdirmək üçün niyə bu qədər çalışır?”
Türkiyə rəhbəri çıxışında BMT-ni tənqid edib və Təşkilatın bölgədəki humanitar faciəni yalnız seyr etdiyini bildirib: “BMT Təhlükəsizlik Şurası bölgədə törədilən insanlıqdankənar hadisələri, bu dəhşətli mənzərəni yalnız seyr edir, bu mənzərəni korlamaq üçün heç bir addım atmır. Avropa İttifaqı yaxın coğrafiyada hər gün insanlar və insanlıq ölərkən, cinayətlər, qırğınlar törədilərkən, zərbələr vurularkən, qanun pozuntularına yol verilərkən səssiz qalmağı seçir.”
