AZ
RU
Putin Rusiyanın xilaskarıdır
“Vladimir Putinin ən böyük xidməti Rusiyanı dağılmaqdan qoruması olub. O, Rusiyanın xilaskarıdır”. 
"Xeberinfo.com": Məlumata görə, bu sözləri keçmiş SSRİ-nin ilk və son prezidenti Mixail Qorbaçov “Kremldən sonra” kitabının prezentasiyası zamanı deyib. 
“Rusiya vətəndaşları heç vaxt yaddan çıxartmamalıdır ki, Putin Rusiyanı parçalanmaqdan qoruyub. Ancaq Rusiyanın bir çox regionları Konstitusiyanı qəbul etmirdilər. Putin ölkə qarşısında tarixi bir missiyanı yerinə yetirdi. Mən isə SSRİ-yə rəhbərliyim vaxtı bir çox səhvlər buraxdım”, - deyə Sovet İttifaqı Kommunist Partiyası Mərkəzi Komitəsinin sonuncu Baş Katibi əlavə edib.
Azərbaycanda 1990-cı il 20 Yanvar faciəsinin əsas təşkilatçısı, Nobel mükafatı laureatı Qorbaçov Putini prezident olmazdan öncə tanıdığını vurğulayıb.
