AZ
RU
Yaponiyada -Çin vətəndaşı edam edilib
2003-cü ildə Yaponiyada bir ailənin qətlə yetirilməsində iştirak edən Çin vətəndaşı bu gün səhər edam edilib.
Yenixeber.org: Bu barədə ölkənin Ədliyyə naziri Masako Mori deyib.
“Ehtiyatlı və balanslı düşündükdən sonra edam hökmünün qüvvəyə minməsi barədə əmr verdim”.
Cinayətkar asılaraq edam edilib.
Vey Vey adlı Çin vətəndaşı, digər iki çinli tələbə ilə birlikdə 2003-cü ildə Yaponiyanın Kyuşu adasındakı Fukuoka şəhərində yerləşən evi qarət etdikdən sonra 8 və11 yaşlı uşaq daxil olmaqla dörd nəfərlik ailənin üzvlərini qətlə yetiriblər.
Vey özü yapon polisi tərəfindən tutulsa da, yoldaşları Çinə qaçmağı bacarıb. Lakin ölkələrində polis tərəfindən həbs ediliblər.
Onlardan biri edam edilib, digəri ömürlük həbs cəzasına məhkum edilib.
