AZ
RU
Putin Minsk razılaşmasını pozdu
Rusiya hərbi texnikanı böyük partiyalarla Donbas hövzəsindəki terrorçulara çatdırmaqda davam edir
"Xeberinfo.com": Publika.az “unian.net” saytına istinadən xəbər verir ki, bu barədə Ukrayna anti-terror qərargahının nümayəndəsi Andrey Lısenko brifinqində bildirib.
“Ukraynanın ərazisində Rusiyanın hərbi texnikası və hərbi qulluqçuların olmaması haqqında Rusiya Federasiyasının yüksək vəzifəli şəxslərin bəyanatlarına baxmayaraq, 12 fevral gecəsi İzvarino sərhəd-keçid məntəqəsi vasitəsilə hərbi texnikanın növbəti yerdəyişməsi baş verib. Təxminən 50 tank, 40 reaktiv yaylım atəş sistemi və BTR Rusiya-Ukrayna sərhədini keçib”, - Lısenko deyib.
Qeyd edək ki, Ukrayna münaqişəsi üzrə keçirilən danışıqların nəticəsi olaraq Minsk bəyannaməsi qəbul edilib. Sənəd Ukrayna ərazisindəki bütün xarici qoşunların, hərbi texnika və muzdluların ölkədən çıxarılmasını nəzərdə tutur.
