AZ
RU
"Gah nala vurursan, gahdaki mıxa..."
Gah nala vurursan, gahdaki mıxa,
Nalbəndin naşısı qəlbi ağrıdar.
Qoyma ki, dırnaqlar mismarı sıxa,
Görmürsən o çəkic əti dağıdar?!..
***
Eyhamla fırlama, əyrini düzə,
Ağzını əymə sən rəqs edər dilin.
" Püf" deyib üzümü rişxəndlə süzən,
Pişik tək, fısılda bəs edər kirin.
***
Dilini qısa et:- bilirsən matsan,
Önündə dik duran şahın zəkalı.
Nəyin var başında sən onu atsan,
Həyatın dönmədən olur mənalı.
***
Astarın üzündə girsən yüz dona,
Sən yazıq görünsən kimə gərəksən!..
Kəmsavad başınla girsən düz yola,
Üzün yox, düzün yox, minə kələksən!..
****
Sözümdür nalbəndə nalı vurma sən,
Məğrurdu dayanıb önündə KÖHLƏN
Baş qatıb ey nadan valı qurma sən,
Daha çox söz olar, saralan çöhrən.
Təranə Şəms
