AZ
RU
AŞİQİN OLUM..
"Xeberinfo.com":
Səni elə sevim, elə sevim ki,
Əhdinə vəfalı kənizin olum.
Sevirəm sözünü elə deyim ki,
Səsinin sədası, dənizin olum.
Səni elə sevim, elə sevim ki,
Ruhunda yaşayım, əkizin olum.
Sevirsən, bilirəm elə deyim ki,
Gözündə nişanən, əvəzin olum.
Səni elə sevim, elə sevim ki,
Dizinə baş qoyub, aşiqin olum.
Yaşanan ömrümü sənə verim ki,
Sözünlə söz kəsib, sadiqin olum.
Səni elə sevim, elə sevim ki,
Qürurun, mənliyin, vüqarın olum.
Başımın tacı ol, elə edim ki,
Dolanım başına, nigarın olum
TƏRANƏ ŞƏMS.
