AZ
RU
"Arını yeyir" -Təranə Şəms
Arını yeyir
Yenixeber.org: Təranə Şəmsin yeni "Arını yeyir" adlı şeirini təqdim edir.
Dövrümün məmuru çox keflə yaşar,
Zülm edib millətə toplayar sərvət.
Söyləyər bu mənəm gəl səndə başar,
Talan et ölkəni gözləmə dəvət...
Yaşamı firavan bir qapı döyməz,
Evində nökəri qapı süpürər.
Deyəcək sözünü töhmətlə deyər,
Hər kəsin üzünə pulla tüpürər.
Xəyalı rəqs edər pulun başında,
Fürsət gözləyər ki, hardan nə qapsın.
Taleyi oynayır atan daşında,
Qisməti nədir ki, yaxşı nə tapsın.
Bu millət top olub oynamaq üçün,
“Dirçəliş”, “Qayıdış” sözlərdə bitdi.
Azadlıq bir iştah doymamaq üçün,
Əcəba arzular gözlərdə bitdi?!...
Bu millət yaşayır ölməmək üçün,
Bir loxma yavanlıq bəsimdi deyir.
Yol başla irəli dönməmək üçün,
Namus da ac qalıb, arını yeyir...
