Penitensiar Xidmət: Hazırda onun səhhəti normaldır

Yenixeber.org: Gədəbəy rayonunun hazırda həbsdə olan sabiq icra başçısı Saleh Rüstəmli aclıq aksiyasını dayandırıb. Bu barədə Penitensiar Xidmət məlumat yayıb.

Qeyd edilib ki, hazırda onun səhhəti normaldır.

Xatırladaq ki, tanınmış həkim Adil Qeybulla yerli mediaya açıqlamasında bildirib ki, S.Rüstəmli onun və qardaşının xahişi ilə aclıq aksiyasını dayandırıb.

Qeyd edək ki, 1992-93-cü illərdə Gədəbəy rayonunun icra başçısı vəzifəsində çalışmış S.Rüstəmli 2018-ci ildə həbs olunub.

Onun barəsində Cinayət Məcəlləsinin 192.3.2 (xüsusilə külli miqdarda gəlir əldə etməklə qanunsuz sahibkarlıq), 193-1.3.1 və 193-1.3.2-ci (mütəşəkkil dəstə tərəfindən cinayət yolu ilə əldə edilmiş külli miqdarda pul vəsaitlərini və ya digər əmlakı leqallaşdırma) maddələri ilə ittiham irəli sürülüb.

Bakı Ağır Cinayətlər Məhkəməsinin hökmü S.Rüstəmli 7 il 3 ay müddətinə azadlıqdan məhrum edilib.

S.Rüstəmli 40 gün idi ki, aclıq aksiyası keçirirdi.