AZ
RU
Bakıda “Azad qadın” heykəlinin sökülməsi ilə bağlı sosial şəbəkələrdə yayılan məlumatlara Bakı Şəhər İcra Hakimiyyətindən açıqlama verilib.
Yenixeber.org: Bakı Şəhər İcra Hakimiyyətinin Mətbuat Xidmətindən verilən məlumatda bildirilir ki, “Azad qadın” heykəlinin ətrafında aparılan təmir işləri ilə bağlı sosial şəbəkələr və bir sıra KİV-lərdə yayılan xəbərlər çox təəccüb və təəssüf doğurur.
“Azərbaycan dünyəvi dövlətdir, dövlət tərəfindən mühafizə olunan bu tarix-mədəniyyət abidəsinin sökülməsindən söhbət gedə bilməz və bu heç bir çərçivəyə sığmır.
Hazırda "Bakı Şəhər İcra Hakimiyyəti Təmir-Tikinti" MMC tərəfindən ərazidə sınmış və ya zədələnmiş qranit və mərmər daşları sökülüb yeniləri ilə əvəz olunur, ərazi abadlaşdırılır.
Abadlıq işlərinin sonunda ərazi yaşıllaşdırılacaq, yeni gül və kollar əkiləcək, qazon salınacaq, ərazi gözəl məkana çevriləcək”, - deyə məlumatda bildirilib.
.jpg)
