Yenixeber.org: Bu barədə muzdluların teleqram kanalında məlumat yayılıb.

O iddia edib ki, çoxlu sayda ölən var və indi sıra "Vaqner"dədir. Priqojin qeyd edib ki, müdafiə naziri "Vaqner"in məhv edilməsi əməliyyatını həyata keçirmək üçün xüsusi olaraq Rostova gəlib.

"Oğlanlarımızı məhv edənlər, on minlərlə rus əsgərinin həyatını məhv edənlər cəzalarını alacaqlar. Xahiş edirəm, heç kim müqavimət göstərməsin", - o deyib.

Priqojin vətənpərvər rusları küçələrə çıxmağa səsləyib: "Bu gecə Rusiyanın şərəfini ləkələyən satqınların, cinayətkarların məsələsini həll edəcəyik. Onların adları Şoyqu, Gerasimovdur. Şoyqu Qızıl meydanında asılacaq",

Rusiya Müdafiə Nazirliyinin mətbuat xidməti bəyan edib ki, sosial şəbəkələrdə Yevgeni Priqojinin adından yayılan bütün mesajlar həqiqətə uyğun deyil və informasiya təxribatıdır.

Bunun ardınca Milli Antiterror Komitəsi məlumat yayıb ki, Yevgeni Priqojinin bəyanatları ilə əlaqədar "silahlı üsyana çağırış faktı üzrə cinayət işi açılıb”. Əlavə edilib ki, "Vaqner" rəhbərinin “adından yayılan” iddiaların heç bir əsası yoxdur.

Rusiya prezidentinin mətbuat katibi Dmitri Peskov bildirib ki, Vladimir Putinə Yevgeni Priqojin və Rusiya Müdafiə Nazirliyi ilə bağlı vəziyyət barədə məlumat verilib. Kreml sözçüsü təfərrüatları açıqlamadan əlavə edib ki, tədbirlər görülür.

Xatırladaq ki, günün əvvəlində Priqojin Rusiya Müdafiə Nazirliyinin rəhbərliyini sərt tənqid edib:

“Müharibə lazım idi... Şoyqunun marşal ola bilməsi üçün... ikinci “Rusiya Qəhrəmanı” medalını ala bilməsi üçün. Müharibə Ukraynanı demilitarizasiya və ya denazifikasiya etmək üçün lazım deyildi”.