AZ
RU
Yenixeberorg.com: Rusiya silahlı qüvvələri Xarkovda təcili yardım xidmətinin xilasedicilərinə də zərbələr endirib, ölən və xəsarət alanlar var.
Ukrayna daxili işlər naziri İqor Klimenko bildirib ki, hücumların baş verdiyi yerlərdə çalışan xilasedicilər hədəf alınıb.
"Xarkovda Rusiya qüvvələrinin hücumu nəticəsində yanğınsöndürən beş xilasedici həlak olub. Ən azı beş nəfər yaralanıb", - Klimenko bildirib.
Nazir, həmçinin Rusiyanın Kiyevə kütləvi hücumu nəticəsində mülki infrastruktura ciddi ziyan dəydiyini açıqlayıb.
Xarkov meri İqor Terexov şəhərin Şevçenkivski və Xolodnohirski rayonlarında partlayışlar olduğu barədə məlumat verib. Onun sözlərinə görə, mülki müəssisədə yanğın baş verib və xəsarət alanlar var.("Unian")
