Ukrayna süni intellekt (Sİ) ilə təchiz olunmuş avtonom dronlardan istifadə edərək Moskva hava limanlarına genişmiqyaslı hücum planı hazırlayıbmış.

Yenixeberorg.com: Bu barədə iki məlumatlı mənbə “The Atlantik”ə bildirib.

“M&Ms” kod adlı əməliyyat keçmiş müdafiə naziri Mixail Fedorov tərəfindən hazırlanıb. Əməliyyat bir gecədə 1000-ə qədər kiçik, ucuz dronların buraxılmasını nəzərdə tuturdu. Onların missiyası Moskvanın havadan müdafiəsini məşğul etmək və Moskva hava limanlarının fəaliyyətini daimi olaraq iflic etmək idi ki, beynəlxalq aviaşirkətlər Rusiya paytaxtına uçuşlardan imtina etsinlər. Ukrayna Vladimir Putini müharibəni bitirmək üçün danışıqlara qayıtmağa məcbur etməyə ümid edirdi.

Dronlar avtonom şəkildə fəaliyyət göstərməli idilər.

Mənbələrə görə, plan 2026-cı ilin əvvəlində Ukrayna Prezidenti Vladimir Zelenskiyə təqdim edilib. O, mülki təyyarələrə, sərnişinlərə və hava limanı işçilərinə zərər vurma riski ilə bağlı narahatlığını ifadə etsə də, Rusiya hakimiyyəti və elitaları üzərində təsir yaratmaq, onların xaricə səyahətini çətinləşdirmək üçün əməliyyat hazırlıqlarının davam etdirilməsinə icazə verib.

Fedorovun istefasından sonra əməliyyat hazırlıqları iyul ayında dayandırılıb.