AZ
RU
10 dekabr -Beynəlxalq Heyvan Hüquqları Günüdür
10 dekabr - Beynəlxalq Heyvan Hüquqları Günüdür.
Yenixeber.org: Bu gün 1998-ci ildə İnsan Hüquqları Bəyannaməsinin imzalanmasının 50-ci ildönümündə təsis edilib. Buna səbəb planetin bütün canlılarının əzablardan qurtulmaq, müdafiə olunmaq və yaşamaq hüququna malik olmasını diqqətə çatdırmaq idi.
Heyvan Hüquqları Günü fauna nümayəndələrinə qarşı zülm, şiddət, işgəncəni dayandırmaq, onların öldürülməsinn qarşısını almaq məqsədi daşıyır.
Azərbaycanda yenicə fəaliyyətə başlamış IDEA Heyvanlara Qayğı Mərkəzində (IACC) heyvanların rifahının təmin edilməsi üçün hər bir şərait yaradılıb. Mərkəzdə müasir avadanlıqla təchiz olunmuş klinika, it və pişiklər üçün sığınacaq blokları, ayrı karantin blokları, himayə bölməsi, heyvan mehmanxanası və salonu, oyun meydançası, yataqxana, konfrans zalı, kafe və dükan mövcuddur.
IDEA Heyvanlara Qayğı Mərkəzi öz fəaliyyətini əlacsız vəziyyətdə olan bəzi heyvanları yerləşdirməklə yanaşı, sahibsiz heyvanlarla bağlı problemin həllində əsas diqqətini sterilizasiya, xəstəliklərin qarşısının alınması, eləcə də himayə, məsuliyyətli heyvan sahibliyi və heyvanlara humanist yanaşmanın təşviqinə yönəldib.
