İranın aparıcı KİV-i hakimiyyətin və hərbi qüvvələrin Ukrayna təyyarəsinin vurulmasına gətirib çıxaran səhvini bağışlanmaz hesab edirlər.

Yenixeber.org: “İsraelinfo” portalının xəbər verdiyi kimi, ölkəni bürümüş nümayişlər fonunda jurnalistlər başda prezident Həsən Ruhani və dini lider Əli Xamenei olmaqla, hökumətin istefasına çağırış ediblər.

Bir çox qəzetlərin baş məqaləsində «üzr istəyin və istefaya gedin» məzmunlu çağırışlar yer alıb. KİV-lər həm də ondan narazıdırlar ki, qəzanın gerçək səbəblərinin araşdırılması bunca uzun müddət vaxt aparıb.

«Təyyarənin məhv edilməsinin səbəbləri barədə materialların dərcinin yubadılmasına və ictimaiyyətin inamına vurulmuş zərərin səbəbkarı istefa verməli və ya vəzifəsindən azad edlməlidir» - deyə, «İslam respublikası» qəzeti yazıb.

Xatırladaq ki, yanvarın 8-də Tehrandan Kiyevə uçan Ukrayna təyyarəsi qəzaya uğrayıb. Təyyarənin göyərtəsində 176 nəfər olub (167 sərnişin və 9 ekipaj üzvü). Sağ qalan olmaıb. Qəzadan iki gün sonra İran hakimiyyəti bəyan edib ki, hərbi qüvvələr təyyarəni ballistik raket hesab edərək, ona HHM batareyasından atəş açıblar.