AZ
RU
"Ermənilərə baş sağlığı düşmür"
Rusiya Liberal Demokrat Partyasının (LDPR) lideri Vladimir Jirinovski bu gün Dövlət Dumasındakı çıxışında ermənilərin soyqırım iddialarına qarşı çıxış edib.
"Xeberinfo.com": Ans press-in məlumatına görə, LDPR lideri ermənilərin ruslara qardaş xalq olmadığını söyləyib.
“1991-ci ildə ən çox rusu məhz Ermənistandan qovublar. Bu gün bu, ən monomilli respublikadır. Hər yerdə ruslar və başqa xalqların təmsilçiləri var, Ermənistanda isə yoxdur. Buna görə də qardaş Ermənistan barədə yazmağa dəyməz”, - deyə Vladimir Jirinovski vurğulayıb.
O, ermənilərə 1915-ci ildə baş vermiş hadisələrlə bağlı başsağlığı verməyi də düzgün saymayıb. "Başsağlığı konkret ölən şəxsə görə verilir. Burda isə 100 il qabaq olmuş hadisədən danışılır. Biz indi deyə bilmərik ki, o vaxt nə baş verib", - deyə Jirinovski deyib.
