AZ
RU
“Krımın Rusiya tərkibinə daxil edilməsi qanunsuzdur...”
Almaniyanın keçmiş kansleri Qerhard Şröder hesab edir ki, Krımın Rusiya tərkibinə daxil edilməsi beynəlxalq hüququn pozulması olub.
"Xeberinfo.com": Musavat.com xarici qaynaqlara istinadən xəbər verir ki, bununla belə, eks-kansler NATO ölkələrinin də İraq müharibəsi zamanı beynəlxalq normaları pozduğunu bildirib.
Bad-Boll şəhərində keçirilən “Şərqdə dəyişikliksiz?” adlı konfransda məruzə ilə çıxış edən Şröder həmçinin, Ukrayna böhranına baxmayaraq, Qərbi Moskva ilə dialoqu kəsməməyə səsləyib. “Avropa təhlükəsizliyi yalnız Rusiya ilə birgə təmin eləmək olar” – deyib sabiq kansler.
Bu zaman siyasətçi Rusiyanın Avropadan bütünlüklə üz döndərərək Çinə üz tuta biləcəyindən dolayı ehtiyatlılığını da dilə gətirib.
Şröder habelə, prezident Vladimir Putinin şəxsi dostu olması səbəbindən Rusiya siyasətinə təsir etmək gücündə olduğu haqda iddiaları qəbul etmədiyini söyləyib.
