AZ
RU
“İnsanları şantaj edərək mitinqlərə çıxarmaq olmaz”
“Cəmil Həsənli ağzına gələni danışır”
"Xeberinfo.com": Məlumata görə, bunu Milli Məclisin bu gün keçirilən son plenar iclasında Bütöv Azərbaycan Xalq Cəbhəsi Partiyasının sədri, deputat Qüdrət Həsənquliyev deyib. O, “Milli Şura”nın mitinqə gəlməyənləri qorxaq adlandırması məsələsini belə şərh edib: “Milli Şura” adlanan qrup açıq şəkildə xalqı təhqir edir. Onlar deyirlər ki, mitinqə gəlməyənlər qorxaqdırlar. İnsanları şantaj edərək mitinqlərə çıxarmaq olmaz. Hesab edirəm ki, bu qətiyyən yolverilməzdir. Binqədidə baş verən yanğın hadisəsində vətəndaşlarımızın həlak olması bizi üzür. Ancaq bunu şantaja çevirərək mitinqə çağırış üçün istifadə etmək doğru deyil. Onlar deyirlər ki, azərbaycanlı olduqlarına görə utanırlar. Düzdür. Onlar həqiqətən azərbaycanlı olduqlarına görə, utana bilərlər”.
Millət vəkili bildirib ki, hazırda “Milli Şura”nın sədrliyi vəzifəsini icra edən Cəmil Həsənli deputat seçilmədikdən sonra ağlına gələni danışır.
Aznews.az
