AZ
RU
Qardaş qardaşı baltaladı
Beyləqanda qətl törədilib.
"Xeberinfo.com": APA-ya istinadən xəbərə görə,hadisə bu gün rayonun 1-ci Şahsevən kəndində qeydə alınıb. Kənd sakini Xudayar Məmmədov ailədaxili münaqişə zəminində qardaşı Məhərrəm Məmmədovun başına balta ilə zərbə endirib.
Xəstəxanaya çatdırılan M. Məmmədovu xilas etmək mümkün olmayıb. O, çoxlu qan itirdiyindən dünyasını dəyişib.
Beyləqan Rayon Polis Şöbəsindən faktı təsdiqləyiblər. Bildirilib ki, M. Məmmədov başından küt alətdən aldığı xəsarətlə xəstəxanaya daxil olub və daxil olandan bir müddət sonra dünyasını dəyişib. Hadisəni törətməkdə şübhəli bilinən X. Məmmədov artıq saxlanılıb.
