Bu gün paytaxtda daha bir nəfər özünə od vurub. 

"xeberinfo.com": Qarabağ qazisi Zaur Həsənov özünü yandırdıqdan sonra ölkə də bu hal demək olar ki, artıq adi hala çevrilib.

       Xatırladaq ki, bir neçə gün öncə isə Yevlaxda 3 övladı olan əlil Nizami Kərimov özünü yandıraraq xəsarət yetirmişdi. O, ünvanlı sosial yardım almaqla bağlı qarşılaşdığı çətinliklərlə bağlı belə addım atdığını demişdi.

   Ötən gün Bərdədə bir nəfər özünü yandırmışdı. Alpoud kənd sakini Maarif Vəliyev ötən gün axşam saatlarında Bərdə Rayon İcra Hakimiyyətinin binası qarşısında özünə od vurub. 

   Bu  hadisənin təkrarı bu gün səhər saatlarında  Səbail rayonunda, Mərkəzi Klinikanın yaxınlığında baş verib. 

    Təqribən 40-45 yaşlarında olan bir qadın ərazidə üzərinə benzin tökərək özünü yandırıb. Yaxınlıqda olan polis əməkdaşlarının səyi ilə söndürülən qadın dərhal 5 saylı xəstəxanaya çatdırılıb. Xəstəxanaya yerləşdirilən qadının vəziyyəti ağır olduğu bildirilir. 

       Qadının şəxsiyyəti və nə səbəbə özünü yandırması müəyyənləşdirilir.