Bu gün saat 11 radələrində Bakının Nərimanov rayonunda sərnişin avtobusu Bakı Sərnişin Nəqliyyat Departamentinin həkimini vurub. 

     "xeberinfo.com": Rayon Polis İdarəsindən əldə etdiyimiz məlumata görə, Bədəl adlı şəxs idarə etdiyi “Daewoo” markalı, 17 saylı sərnişin avtobusu ilə Bakı Sərnişin Nəqliyyat Departamentinin həkimi Tamerlan adlı şəxsi vurub.

      Hadisəni törədən 17 saylı avtobusun sahibkarı Fəxrəddin Məmmədov isə açıqlamasında hadisə zamanı sürücünün heç bir günahının olmadığını bildirib. Onun sözlərin görə, vurulan Tamerlan ölməyib, hazırda xəstəxanaya yerləşdirilib. Vəziyyəti ağırdır.

 b   “Hadisənin baş verməsində sürücünün günahı olmayıb. Stadionun yanı avtobusun sonuncu dayanacağıdır. Tamerlan orada sürücülərdən pul yığır və onların sağlamlığı haqqında kağız verir. Tamerlan avtobusun arxasında olanda, sürücü bilməyib, maşını tərpədib. Həkim də avtobusun altında qalıb. Sürücünun 30 yaşı olar. Yazıq uşaq çox yaxşı insandır”.

    Lakin hadisə şahidləri bildiriblər ki, sürücü həmin şəxsin üstündən iki dəfə keçib. Əvvəlcə onu görməyib. Maşını arxaya verərkən, piyada avtobusun təkəri altında qalıb. Daha sonra, təşvişə düşən sürücü avtobusu geriyə verib. Piyadanın ikinci dəfə üstündən keçib. Piyada hadisə yerində ölüb.